[原創]食玻璃大，一词唔知大家听过未？

雅风

近年嚟，食玻璃大，一词喺本人家族用字频率非常之高。佢係一个引申词，玻璃，係人都知係透明嘅，食玻璃大，就係话当人哋透明。特别係睇电视嗰阵，如果一个人企係电视机前面，挡住咗其他人，我哋就会话：你估你係食玻璃大0架？唔知大家觉得呢个词点呢？

h3

几好

highyun

听就偶然会听到，不过唔知咩意思，重以为系“好大胆”嘅意思添。

Desmond

細個，屋企有講，但係而家冇啦。可能已經 out 咗啦。

佛山霍先生

听过，记忆已经好模糊，老兄唔讲都唔记得啰。

dada

唔係老兄噃！em2: 我未聽過。

Kathy

我都以為食玻璃大係引申好大膽~

superjill

结合环境可能会知道咩意思…… 引申为透明，有啲似“以形补形”

夢星羽

“食濕米”就聽得多。

highyun

夢星羽在2006-4-9 17:28:21說道：[br]“食濕米”就聽得多。

我听嘅版本一直都系“食虱米”。

Anl

“食玻璃大”而家都有人用，呢個詞未out嘅。 我聽嘅版本係“食塞米”。

dada

我聽嘅都係「食塞米」。

夢星羽

“塞米”何解？

dada

我唔會解釋「食塞米」。可能呢個唔係正字﹐但《廣州話方言詞典》同《現代標準漢語與粵語對照資料庫》都係噉寫﹐最低限度表示有「塞」音。

夢星羽

我查看了一下清代的漕運及倉儲方面的資料， 發現在漕運及倉儲過程中會因大雨或船艙進水而造成粮米潮濕，（清代漕運的平均濕米率為2.05‰） 這些濕米因為不能久儲，都會就地低價變賣，其價格祇相當於亁米的五分之一到三分之一左右， 相信購買這些濕米食用的都是一些貧窮家庭， “食濕米”指無用之人，大概就是從此而來。 另外， “食虱米”大概也與此相同。“虱米”即蟲蛀的米，價格也肯定比普通米便宜。

kathy

唔～～～～贊成“食濕米”同“食虱米”係字面上意思，　 但平時我較多聽到“食虱（塞）米”呢個音．．． em2:

kathy

講番食玻璃大，我問過其他朋友，佢地都話係鬧人，話人阻住晒，當自己透明咁解．．． 估唔到我一直理解錯呢個詞，如果唔係雅風提起我都唔會搞清楚～～ em3:

annie

我成日都會同人講“你以為我食玻璃大架??”，但係“食虱（塞）米”就吾會講，因會覺得咁樣話人好似好傷人噉嘅。

miamaya

夢星羽在2006-4-11 2:39:00說道：[br]“塞米”何解？

我聼嘅都係呢個版本。 但係比較贊成“食虱米”，我覺得係“蛀米蟲”嘅意思。比如阿媽閙個仔：你都“食虱米”嘅！意思係個仔冇乜建設性，係屋企嘅“蛀米蟲”。

Anl

可能大家都有懶音。 濕，虱，塞 三個字發音都唔一樣。 濕：sap7 虱：sat7 塞：sak7 所以“食塞米”同“食虱米”係唔同。