[討論]關於“返”同“番”

miamaya

miamaya在2006-3-27 2:32:27說道： "番"字同"返"字在粵語使用中的區別如何？ 例句：放返原位。畀返你。打返原來份皇家工。 這些都有恢復原來狀態嘅意思。 又如： 返工。返屋企。 都有回某個地方嘅意思。 但是，比如： 做番場六囯大封相畀你哋睇。 整番鑊"金"嘅畀你"嘆"吓。 噉樣嘅用法又啱唔啱呢？ 另外：倒數第二行雙引號内嘅字請各位前輩校正。

miamaya

dada在2006-3-29 0:52:46說道：[br]關於「番」同「返」﹐miamaya解釋得好啱。 「嘆」係嘆息。粵語享受應該係「歎」（歎賞）。 《段注》﹐「嘆」字下﹕「按嘆歎二字今人通用……﹐依說文則義異。歎近於喜，嘆近於哀。」又「歎」字下﹕「古歎與嘆義別。歎與喜樂為類，嘆與怒哀為類。」

miamaya

關於“番”字，近來偶有所悟 比如： 做番場六囯大封相畀你哋睇。 整番鑊"金"嘅畀你歎吓。 喺呢兩処“番”字大概都是量詞？ 就係同普通話嘅“做一番事業出來”係一樣用法

beyond

噉“翻”呢？

吴广德

miamaya在2006-4-1 4:11:37說道： 整番鑊"金"嘅畀你"嘆"吓。

整煲傑嘢畀佢儃. 《广州方言词典》上写“儃”。意思：受用，享受。儃返下, 儃世界。 平时多用“叹”，唔知边个对。 國語辭典 【儃儃】悠閒的樣子。莊子˙田子方： 有一史後至者，儃儃不趨，受揖不立。 成玄英˙疏： 儃儃，寬閒之貌也。

miamaya

儃 chán 〔～佪〕ａ．打转；ｂ．徘徊。 儃 tǎn 〔～～〕从容、休闲的样子。 儃 shàn 古同“禅”，禅师。 又好似有道理噉 不過平時似乎多用“嘆” 字典入面“歎”係通“嘆”嘅 不過覺得dada引用嘅資料所講嘅好有道理—— 《段注》﹐「嘆」字下﹕「按嘆歎二字今人通用……﹐依說文則義異。歎近於喜，嘆近於哀。」又「歎」字下﹕「古歎與嘆義別。歎與喜樂為類，嘆與怒哀為類。」 即係—— 讚歎，歎為觀止 哀嘆，長吁短嘆 不過“嘆”世界係邊個呢？ 暫時未諗明

dada

我覺得「儃」唔係點啱﹐因為佢讀taan2﹐同時「舒閒之貌」係「儃儃」﹐唔係「儃」。

highyun

“返”同“番”分开嘅见解几有道理。不过，我一直都统一用“返”嘅，其实“返”都可以引申出上文所讲嘅“番”嘅意思。

dada

我唔係好明白﹐所以唔支持《廣州話方言詞典》嘅解釋﹕ 番﹕助詞。用在動詞後面作補語﹐表示回復﹐相當於“回”、“重新”、“再”等意思﹕畀～我（還給我）…… 翻（番、返）﹕回﹔返﹕～屋企……

highyun

另外，我觉得“打镬金嘅”，应该系“打镬甘嘅”，“甘”系反语，即系“有排你受”。

miamaya

highyun在2006-4-3 18:50:24說道：[br]另外，我觉得“打镬金嘅”，应该系“打镬甘嘅”，“甘”系反语，即系“有排你受”。

有道理

夢星羽

miamaya在2006-4-1 4:20:08說道：[br]關於“番”字，近來偶有所悟 比如： 做番場六囯大封相畀你哋睇。 整番鑊"金"嘅畀你歎吓。 喺呢兩処“番”字大概都是量詞？ 就係同普通話嘅“做一番事業出來”係一樣用法

如果此處的“番”是量詞的話， 那就與其後面的量詞“場”、“鑊”重疊， 漢語中好象沒有不同量詞連用的習慣。 如“做一番事業出來”的“番”字後面就不再需要加量詞。 所以，我認為以上兩句中的“番”字不是量詞。

dada

miamaya﹐點解妳寫「六囯 大封相」呢﹖呢個係異體字﹐「國」字應該簡化為「国」。

廣州人喺圖盧茲

用‘返工’同埋‘番工’嚟做解析，就可以有效嚟區分兩個字嘅用法喇！

h0429636

miamaya:

關於「番」字，近來偶有所悟 比如：做番場六囯大封相畀你哋睇。整番鑊"金"嘅畀你歎吓。 喺呢兩処「番」字大概都是量詞？就係同普通話嘅「做一番事業出來」係一樣用法

 

好明顯，場先係量詞啦．．． 意為「做返（一）場六國大封相（嘅戲）畀你哋睇」

 

鑊亦然，「整返（一）鑊"金 "嘅畀你歎下」

 

 

 

 

dada:

miamaya﹐點解妳寫「六囯 大封相」呢﹖呢個係異體字﹐「國」字應該簡化為「国」。

 

本來囯先係正確，請參考以下ｓｏｕｒｃｅ

http://hk.knowledge.yahoo.com/question/?qid=7006061800037

 

中間是「玉」的国:

其實，內地的簡體字有些是參照日本和新加坡的簡化字而誕生的，當時中日新三國的簡化字有部分是互相採用的。

據《中文一分中》:

"國字的「國」字更有一場公案。此字在國民政府1935年公佈的《第一批簡體字表》中簡化為「囯」，而中華人民共和國的《簡化字總表》則採用了日本的字樣，「王」的旁邊加上一點，成為「国」字。"

 

 

廣州人喺圖盧茲：

用‘返工’同埋‘番工’嚟做解析，就可以有效嚟區分兩個字嘅用法喇！

 

番工係咩？番鬼佬嘅工人？