牙煙﹖崖煙﹖崖广﹖

dada

粵語「牙煙」指危險。 「牙煙」呢兩個字當然冇意思﹐所以通常認為係「崖煙」。第二個詞比較有意思﹕有煙當然有屋﹐崖邊有屋當然危險。 但重更有意思嘅本字可能係「崖广」（呢個「广」唔係「廣」嘅簡化字）。 《說文》﹕「广﹐因广為屋（註一）……讀若儼然之儼。魚儉切」。《廣韻》﹕「广﹐因巖為屋」。即係「依山崖所建造的房屋」。 註一﹕段玉裁話「广﹐因广為屋」應該改為「广﹐因厂為屋」﹕「厂各本作广，誤，今正。厂者，山石之厓巖（註二）。因之為屋，是曰广。廣韻𤥎儼二韻及昌黎集注皆作因巖，可證。因巖即因厂也。從厂，各本無此二字，今補。」 註二﹕「厂」﹐甲骨文係﹐金文開始就寫為「厂」。

highyun

广东著名文人何淡如嘅对联系噉写嘅： 一拳打出眼火 對面睇見牙煙

dada

粵語對聯﹐好﹗不過﹐雖然我寫唔出噉嘅對聯﹐我覺得有啲勉強﹐尤其是「一拳」/「對面」。

夢星羽

“對”還有“兩”、“雙”的意思，如“一雙一對”， 這副對聯屬於“逐字對”，則 “一”對“對”， “拳”對“面”， “打”對“睇”， “出”對“見”， “眼”對“牙”， “火”對“煙”。 對仗很工整， 連起來也有意思，不失為好對。

dada

原來係呢個「對」。

南粤高凉仔

"牙"都"崖"的读音唔同, 我都读"崖煙"

highyun

“牙烟”呢个词，牙读ngaa4，烟读jin1，当两字连读，好自然会读成 ngaajin－> ngaai4 jin1 同样，“崖烟”亦好容易变成“牙烟”，所以呢个字嘅正写有争议。

殺人王

原來係咁，我又學到知識啦

殺人王

不過諗深一層，崖煙嘅煙其實會唔會指“狼煙”？因為都係錶示危險嘅意思

Anl

一拳打出眼火 對面睇見牙煙 如果係肯定呢副對聯係工整嘅話，首先應該肯定當中嘅用詞係正確。至少發音方面絕對係“牙煙”而唔係“崖煙”。

夢星羽

亦有可能是“崖淵”，懸崖深淵，皆危險之所。

Anl

如果確定咗副對聯係工整嘅話。噉“牙煙”就係最正確嘅發音。 其它嗰啲“崖煙”“崖淵”等都係錯嘅。

禾苗小昭

夢星羽在2006-4-8 1:11:35說道：[br]亦有可能是“崖淵”，懸崖深淵，皆危險之所。

我反而比较同意呢个！ 通常我多听到的系“牙渊”的发音，估计应该系“崖渊”。