[求助]"唔紧要"可否讲" 冇紧要"?-Anl移-

joey

[求助]"唔紧要"可否讲" 冇紧要"?

superjill

可以啊，都有人噉讲 粤西啲人将“唔”讲成“冇”，你睇下《外来媳妇本地郎》入面嘅“阿娇”就知，佢喺入面扮粤西人

joey

"一去不回头"应该讲"一去唔回头"定"一去冇回头"

夢星羽

感覺兩句話還是有一點區別的， “唔”相當於“不”，是主觀感覺，可能是真的“不”，也可能祇是自己感覺“不”。 “冇”相當於“沒有”，是客觀現實，“沒有”就是“沒有”。 如： 佢一去唔回頭。（他不想回來，所以不回來。） 佢一去冇回頭。（他已經失蹤了。）

雅风

"一去不回头"应该讲"一去唔回头"定"一去冇回头" 我一直都係讲“一去冇回头”，从未听过一去唔回头喎。 他不想回來，所以不回來。我会讲成係“佢去咗就唔会番嚟。” em12: em12: em12:

superjill

我唔知道煲冬瓜“一去不回头”除咗字面意思之外重有无其他意思 而粤语，正如楼上所讲，一般人都只会讲“无回头” 喺粤语里面，除咗字面意思，形容一个人走咗唔翻来，重可以形容物件出借之后唔会归还。 呢个亦都系粤语歇后语入面好出名嘅“刘备借荆州——一借无回头”嘅另一种讲法 至于星梦羽讲“无”同“唔”有主客观嘅区别，好想听下你嘅见解，可以举多啲例证出来嘛？

highyun

同意夢星羽嘅意见，“一去唔回头”同“一去冇回头”系有唔同嘅。前者系指走嘅态度坚决，而后者系指走咗之后冇咗音讯。 superjill叫举多啲例子，我可以举两个： 佢嬲爆爆噉走，一去唔回头。 佢话出去一阵，结果一去冇回头。 不过，粤语里面比较少讲“一去唔回头”，而“一去冇回头”已经成为一句常见嘅用语。

余OK

一去唔返轉頭，噉就有人會講。。。

superjill

highyun你理解错咗我意思 我系叫佢举多啲“无”同“唔”嘅区别 而唔系“一去唔回头”同“一去冇回头”嘅区别 佢话系有主客观之分，我想听下点解啫 总系觉得佢嘅解释有啲怪

夢星羽

我就舉個今天剛剛碰到的例子： 我的小外甥今天扭計不想去補習，他說：“我唔返學！” 注意，他使用了“唔”， 雖然他主觀願望上是不想去上學的，但最後他還是得去上。 如果他回到家後說“我冇返學！”的話， 那問題就大了， 那就是他不上學這個客觀現實已經發生了。 幸好他沒說這句，否則籐條炆豬肉。

joey

"好久不见"系咪讲"好耐唔见",或者"好耐冇见"都可以呢?

superjill

夢星羽 原来系北大中文论坛嘅座上客～ em2:

joey

"大声夹冇准"系咪应该讲"大声夹唔准"先啱呢?

highyun

joey在2006-3-21 20:05:04說道：[br]"大声夹冇准"系咪应该讲"大声夹唔准"先啱呢?

"大声夹冇准"系习惯用法，冇人会讲“大声夹唔准”。

Anl

“唔緊要”一詞，你係都要用“冇”開頭，可以講“冇相干”。