請協會出只簡體版嘅輕鬆粵語輸入法

小蜜蜂

為何協會唔出只簡體版嘅輕鬆粵語輸入法呢？希望協會出番只簡體版嘅輕鬆粵語輸入法。因為同一啲睇慣簡體字嘅人交流好唔方便，同埋打一啲簡體字文書都唔方便！ 我已經熟悉咗協會嘅呢套拼音方案，所以我用呢只軟件打字好快！但好遺憾唔可以打簡體字，實在唔爽！ 請協會嘅專家出多只簡體版嘅輕鬆粵語輸入法做福大眾啦！！！！求下你啦！！！ 如果大家有邊只同輕鬆粵語輸入法類似嘅簡體字輸入法軟件，請介紹畀小弟囉！多謝！！！ (因為唔知法去邊個版到，所以周圍发囉！)

highyun

你个贴适合发喺呢个版，我删咗两外嗰两个贴喇。 希望desmond会考虑做个简体版嘅轻松粤语输入法啦。

小蜜蜂

多謝 highyun嘅支持！！！！ 我諗好多用簡體字嘅粵語人士都希望咁做嘅！雖然簡體字唔係咁好睇,但大陸始終都係一個好大嘅市場！

Anl

小蜜蜂，你嘅標題及內容中所用到嘅“只”字，應該改成“隻”字先啱。

wai

係囉，粵協幾時會出隻簡體版嘅粵拼輸入發呢，方便喺中國內地嘅辦公室做嘢嘅粵語人呀。

desmond

可以考慮一下，但係我冇簡體詞語表。

desmond

我指冇有詞頻嘅簡體詞表。

desmond

見到有人用緊輕鬆粵語輸入法，好開心，我已着手開始搞緊新版輕鬆粵語輸入法。

dada

desmond﹐我唔知詞頻有乜用﹐你將你嘅正體詞表簡化得唔得﹖

小蜜蜂

隻同只係唔同！多謝 anl指正！ desmond努力、加油！但我乜都唔識，冇能力幫您！所以只能在此吹水，為您祈禱！！！！

ewSnake

可以參考下海峰五筆嘅詞彙，用軟件把輕鬆粵語嘅詞彙繁轉簡，把簡體字放到前面就可以了

rugal

我會堅持用正體打字，推廣傳統文化。

rugal

我今日第一次喺個大陸bbs畀人要求用簡體字，不過我會堅持打正體字，真係咁專制，至多咪唔去。

nekki

边树有得下载吖

滙賢恭會

原帖由 小蜜蜂 於 2006-3-22 09:00 發表 隻同只係唔同！多謝 anl指正！ desmond努力、加油！但我乜都唔識，冇能力幫您！所以只能在此吹水，為您祈禱！！！！

係啊！ desmond兄， 大家都好希望你嘅輕鬆粵語輸入法能夠更加成熟通用！我哋大家都等緊您架！