大乡里出城不完全报告

柳寻风

本大乡里偷得浮生半日，坐个零钟头车，已经到咗中山市，问下当地人边度有好野食介绍，畀佢指我地去一间据说当地知名嘅食肆，佢话果度最出名系乳鸽，不过呢，呢个本地人见我有小小似白痴咁嘅款，就好温柔兼耐心咁问我：你食过乳鸽未呀？

......

我有咩得罪你呀，点解你侮辱我呀，信唔信我告你吖哪。


果个本地人介绍嘅，就系呢间喇：



未入到去，响门口就见到，D人响处（油）炸紧一个个好似汽球咁嘅物体，哗，本大乡里即时攞出部手机--影低先呀--乜汽球都拿来炸呀，后来先知道，原来D汽球状嘅物体，系煎堆来。


门口另一边呢个counter，响度整紧鲜腐竹。



呢度兼卖各式土产：



嗱，呢D棕，20蚊只：

呢D野唔使我讲喇：


重有呢D野，好似棉花糖：



另一张：



行入去入便，一睇，人头涌涌咁，要等位，咩金融风暴？照食。拿，下图系电子叫号牌，分别用粤、普、英三语来叫号，睇下个牌，就想象得到平时几墟冚喇：



一边等位，一边周围影呀影，话明系大乡里。拿，呢D系「鱼包」，用鱼肉制作外皮，里边包住D肉类。。。


下图系制作「鱼包」D材料，即整即卖：


好唔容易叫到我地喇，呢个系我地点嘅豆腐，号称系用矿泉水加入，并用石磨磨成嘅：



以下呢碟点都睇唔清嘅不明物体，系酒家嘅名菜，叫紫苏骨，不过本人唔系几识欣赏：




当然唔少得就系要试下最出名嘅乳鸽喇，酒家声称采用13日大嘅BB鸽，26蚊只，打死我唔会一次过食两只喇：



其他海鲜省略，价钱同广州差唔多。

下图系洗手间嘅粤式标志：娘。咁样嘅表述方法，本大乡里系第一次见，所以即时影低佢，话到明系大乡里咖啦。

呢个字用得好呀，好就好在，一个字可以涵盖咗「小姑娘、大姑娘、老姑娘、新娘、伴娘、老大娘」，所以不同年龄段嘅人物高度浓缩咗响一个字度。犀利。



不过男洗手间就。。。。



「郎」，似乎包涵性无「娘」字咁大啵。。。。。除咗「儿郎、郎君、色狼、食野太郎」。。。似乎都反映唔出个覆盖性。为此，本人响呢度向各位征集一个可以涵盖晒不同年龄段男性称谓嘅字，来代替呢个「郎」字，好唔好？

本人已经谂到一个合乎上述要求嘅字，摆响二楼啦。

柳寻风

遊客，如果您要查看本帖隱藏內容請回復

不关云和月

哈哈，你食过乳鸽未？我都好钟意食咖，下次带埋我！

xiss

尋風玩中山游？

雨夜街燈

用番男字就得啦

雨夜街燈

老佛爺點計?

寶寶

睇落好似好好食喎～

使君子

娘~郎

デンニ王子

回覆 1# 柳寻风

haha~~ 用「郎」与「娘」好特別喎！！！

柳寻风

哈哈，你食过乳鸽未？我都好钟意食咖，下次带埋我！
不关云和月 發表於 2010-3-28 00:32

真事来呀，果个人十足十一个金鱼佬咁呀，「小妹妹，你见过金鱼未呀？叔叔带你去睇金鱼呀吓」。。。咁。

云月，我畀人当街侮辱呀， 真系黑仔喇。

柳寻风

尋風玩中山游？
xiss 發表於 2010-3-28 03:12

    自己唔动下脑筋谂答案，靠灌水来装睇，鄙视。

柳寻风

老佛爺點計?
雨夜街燈 發表於 2010-3-28 09:30

    系啵。。。。

噉嘅话，老佛爷都入得咯。。。。。。


得佢一个可以例外咋。。。。

柳寻风

回覆  柳寻风

haha~~ 用「郎」与「娘」好特別喎！！！
デンニ王子 發表於 2010-3-28 15:42

    系嘅。。。

不过外国人更有创意一D：女洗手间用倒「品」字型嘅三块树叶做标志，而男洗手间用一块树叶做标志。

柳寻风

睇落好似好好食喎～
寶寶 發表於 2010-3-28 12:59

   
呢煲野睇到我流晒口水喔。。。不过我唔敢食。

daydreaminghoyi

有興趣試下魚包

不关云和月

回覆 10# 柳寻风


    你答佢：我未见过金鱼，不过见过金鱼佬，面前就有一条！

cingsan

個中山佬點知你有少少白痴？？哈哈

柳寻风

個中山佬點知你有少少白痴？？哈哈
cingsan 發表於 2010-4-1 22:07

    果个人只眼有问题之嘛。。。。

寶寶

呢煲野睇到我流晒口水喔。。。不过我唔敢食。
柳寻风 發表於 2010-3-28 19:06

    點解唔敢食嘅？係咩肉嚟o架？

monfan

鱼包，系咪啫系鱼皮饺啊！