粤语：「冻」和「赤」，边个更加冻？

紮那魯剛多

昨晚，喺电视「心水保姆」里听一个保姆讲「赤水」，唔知佢系边处人，讲嘅系乜嘢粤语，但广州人冇人咁讲，一下未反应过来，但后来一想，佢讲嘅喺冻水。
老广州人旧时讲：啲水好冻，或者讲：啲水好「赤」，现在年轻人未必会咁讲，但旧时经常咁讲，而且一般讲「赤」系比冻更厉害啲。
天气一冻，老人家会讲，「今日好冻，手脚都「赤」晒。」或者讲「今日真系冻，「赤」手「赤」脚咁」。
不过依家都好少「赤」手「赤」脚啦。天气变暖丫嘛。

TsuNT(♂)

好似仲有个『赤冻』一词，（虽然少听）

Chitano

我去咗上海之後冬天就真係幾「赤」嘅……
「凍」好似唔一定好凍，好似「凍滾水」咁

TsuNT(♂)

'赤冻'---- 回想春节阵时，某个时段 极其寒冷（以本地计），个手经常露风，冻到手背红晒 兼 麻木，手指关节都唔郁得，
故若有『赤冻』一词，睇怕 可能都系指『（皮肤）冻到红（兼手部麻木）』，该『赤』可指『红』而非 另词中的『某种刺激感觉』（例如『赤痛』一词中之『赤』）

------
一楼所言「老人家会讲，「今日好冻，手脚都「赤」晒。」或者讲「今日真系冻，「赤」手「赤」脚咁」。」，
            中之『赤』，可能 半指『（程度更） 冻』，半指『（皮肤）红』， 或者 字意中 八成指『（皮肤）红』

------
本人而言，似听过『赤冻』一词，
本人断估，可能系咁样：
   「冻」字系温度感觉，（与『热』字相应）
   「赤」字系（形状 式的）程度用字，（代表「（冻到红色这样的）很/非常」）但可能非『温度用词』，原本 可能 不可以独立使用，
   「啲水好赤」可能全句应「啲水好(似赤咁)冻」（即使未摸该水，也可以意指：啲水睇怕都会冻到赤），                以「赤（冻）」一字 来简称「赤冻」，一如「咩事」，可能系「咩嘢事」之简称，

若此成立，则主贴题「「冻」和「赤」 边个更加冻」， 全句应是「「冻」和「赤冻」 边个更。。」
未知可否，也请指点一二，

xiemo

赤指朱紅色。天氣一凍只手會因血液唔流通噶關係而變紅。我地講凍到手好赤，原意應該系指凍到只手赤咁紅，其實只系用赤加深凍噶程度。平時口語省略將手凍到好赤，直接就講手好赤。我認為赤本來系無凍噶意思，只用來修飾而已。又比如講整傷只手，我地講只手赤赤痛，個赤字又只系形容痛噶感覺，赤本來亦都無痛噶意思

紫凤凰

單一個「赤」，其實有「紅色」、「裸體」等意思。

譬如我哋成日講「赤」手「赤」腳嘅「赤」就係「赤裸」中嘅「赤」。

而粵語之中嘅「赤」重有痛嘅意思，例如「肉赤」，表示「心痛」。樓上所云應為「赤痛」，因有云「赤赤痛」

所謂凍到「赤」則應指凍傷，凍傷，自然痛啦，噉重唔「凍到『赤』」咩。

tracywywong

好似可以话『头赤赤o甘』 am i right??!!??

melop

爾個字之前爭論過啦。赤 本字為 刺。赤痛即刺痛：

刺【唐韻】【集韻】【韻會】【正韻】七迹切，音磧。穿也，傷也。

外外星人

爾個字之前爭論過啦。赤 本字為 刺。赤痛即刺痛：

刺【唐韻】【集韻】【韻會】【正韻】七迹切，音磧。穿也 ...
melop 發表於 2010-6-13 02:37

    笑到肚赤都係刺？

melop

回覆 9# 外外星人


   估計都係啩。。。一般 「刺痛」就特別強調有一種針刺的感覺。冰水刺激皮肉的感覺就最適合爾個詞啦。。。好似未聽過有笑到肚赤之講法。。。

外外星人

回覆  外外星人


   估計都係啩。。。
melop 發表於 2010-6-13 03:17

    畀唔畀估唔係呢？

melop

畀唔畀估唔係呢？
外外星人 發表於 2010-6-13 03:20

。。。總之刺痛廣州話就讀 「赤痛」啦，爾樣可以肯定。至於個肚「赤」，我未聽過此講法。

外外星人

。。。總之刺痛廣州話就讀 「赤痛」啦，爾樣可以肯定。至於個肚「赤」，我未聽過此講法。 ...
melop 發表於 2010-6-13 11:38

    畀人「刺」到就實痛啦！「赤」同痛好似兩樣嘢喎！噉唔知你又聽過未呢？

melop

畀人「刺」到就實痛啦！「赤」同痛好似兩樣嘢喎！噉唔知你又聽過未呢？ ...
外外星人 發表於 2010-6-13 21:41

是兩樣感覺啊，「赤」就係好似針扎的感覺那樣咯。。。

Kalee

赤，可能系古語遺留嘅發音。
因為系部份山區，有赤等同於涼、凍、溫度低等嘅意思。
例如，話一碗熱嘅粥擺咗好耐，會講：「粥都赤lar咯。」（粥都凍了），或者說「gen赤」，也是表示溫度降低的意思。

不過，呢類詞語一般是上咗年紀嘅老人家先至講，後生人好少用，幾乎唔識。

黄百万

【赤】個本字系  刺