[原創]新人報道!

加菲貓

各位前輩，大家好! 在下，加菲貓。因爲一直喺其他一些論壇都用呢個昵稱嘅，所以呢度都注冊咗加菲貓。 我喺廣州。不過非土著。 揀來揀去，都係覺得呢個版塊發新人貼比較啱。 頭先睇網站簡介果時，見到有淩淩漆呢個名好熟，呵呵。早幾年好似喺某個網站經常向佢請教問題。 呢幾年，通過我嘅努力，學識咗用粵語來交流，但係我同樣覺得喺廣州學習粵語嘅環境實在不容樂觀，同我以前想嘅一啲都唔同，我以爲到廣州之後，可以沈浸係粵語嘅環境中，點知都係差唔多，只不過好在可以睇到香港電視台，呵呵。所以能學會真係有啲唔簡單啊(雖然有少少自誇嘅成份:p)。 我嘅工作環境要求大家盡量使用普通話，因此d同事即使知道我識講，都重要同我講普通話，其他朋友就唔使講啦，佢哋因爲年輕，所以普通話講的唔錯，所以我哋完全普通話交流架，佢哋自己之間會講番廣州話，當然呢個完全冇歧視嘅成份，只不過係一種習慣。剛剛識果時，我仲未識得講。呵呵。或者我朋友聽唔慣我講廣州話嘅味道，就好似我都聽唔慣廣州人講普通話嘅音調一樣，呵呵。雖然噉多年了，我都係唔習慣。 不過呢樣嘢，也都說明，推普比維護粵語方言嘅成果來的大。所以，我希望可以俾更多人知道保護自己嘅文化遺産。唔單單只係保護，仲要大力推廣同埋發揚。非物質嘅文化遺産只能夠靠大家細心嘅照顧才能得以保存。 em6: em19:

highyun

首先好欢迎你。 我工作嘅地方都有你讲嘅情况，有啲外地人，明明听白话一啲问题都冇，但系其他同事偏偏要同佢讲普通话。主要有两个原因，其一就系好多人有个习惯，就系见到外地人就会讲普通话，其二就系对于多数广东人，你对佢讲普通话，佢都会同返你讲普通话。而家先唔讨论广东人呢个习惯好唔好，而讲讲你点样可以令到你嘅同事同你讲白话。最有效嘅方法就系你坚持同佢哋讲白话（无论你讲得几唔标准），噉样佢哋自然会慢慢同你讲白话，如果你用普通话同佢哋讲嘢，佢哋九成就会用返普通话答你。你谂一下，你究竟平时用咩话同佢哋讲嘢？ 最后纠正你一样嘢，“佢哋因爲年輕，所以普通話講的唔錯”呢句话用错咗一个字。粤语入面，“的”“地”“得”三个助词分得好清，唔好混淆。

加菲貓

highyun在2006-3-7 18:55:59說道：[br]首先好欢迎你。 我工作嘅地方都有你讲嘅情况，有啲外地人，明明听白话一啲问题都冇，但系其他同事偏偏要同佢讲普通话。主要有两个原因，其一就系好多人有个习惯，就系见到外地人就会讲普通话，其二就系对于多数广东人，你对佢讲普通话，佢都会同返你讲普通话。而家先唔讨论广东人呢个习惯好唔好，而讲讲你点样可以令到你嘅同事同你讲白话。最有效嘅方法就系你坚持同佢哋讲白话（无论你讲得几唔标准），噉样佢哋自然会慢慢同你讲白话，如果你用普通话同佢哋讲嘢，佢哋九成就会用返普通话答你。你谂一下，你究竟平时用咩话同佢哋讲嘢？ 最后纠正你一样嘢，“佢哋因爲年輕，所以普通話講的唔錯”呢句话用错咗一个字。粤语入面，“的”“地”“得”三个助词分得好清，唔好混淆。

呵呵。多謝前輩嘅指教。 不過究竟用錯邊個字啊？我真唔係好清楚。呵呵。 另外，我堅持過唔少次啦，但都失敗咗。於是我都冇咩興趣了。唉。。。 em4: