问两个字。

吴广德

1.如估唔服气，我哋讲：好唔（奋）气。呢个（奋）字点写？ 2.潜水又叫“mei”水，有句话叫：mei过珠江唔湿身。呢个mei字点写？

dada

漢語有「不忿氣」。 至於mei6﹐《廣州話方言詞典》用「昧」﹐但完全冇意思。 首先﹐有一個「𠬛」字（「沒」字除去三點水）﹐篆書寫「𠬸」（上回下又）。下便我用（上回下又）代替冇三點水個「沒」字。 《說文》分開﹕ ①「𠬛（上回下又）﹐入水有所取也」﹔ ②「𩑦（上回下又+「頁」）﹕內頭水中也」﹔《段注》﹕「與水部之沒義同而別」 ③「沒」﹕沈也。從水從（上回下又）﹔《段注》﹕「沒者全入於水」。 《段注》﹕「今則𠬛（上回下又）、𩑦（上回下又+「頁」）廢而沒專行矣。」 所以我認為應該用「沒」﹐異讀mei6。

吴广德

唔该晒！ 而家识写啦： 1.好唔忿气。 2.没水过河南。没过珠江唔湿身。 em12:

highyun

觉得用个“没”字唔系几妥。呢个“没”，粤语只读mut6，国语里面都有“淹没”呢个词。mei6水个mei6应该另有其字。

dada

「沒」粵語讀mut6﹐但編《粵語審音配詞字庫》其中一個學者話﹐「沒」又異讀mei6。我哋或者認為一個學者太少﹐但「巧」讀kiu2都係淨有一個學者噉講。 另外﹐《段注》改正讀音﹕「（上回下又）﹐讀若沬（氵未）。沬（氵未），各本作沫（氵末）。」 根據《粵語審音配詞字庫》﹐呢個沬（氵未）讀mui6。所以﹐就算「沒」今日讀mut6﹐最低限度有過一個mui6音。《廣州話方言詞典》嗰個「昧」都係讀mui6。mui6同mei6就接近得多。

吴广德

今日查咗一下《广州方言词典》，第142页上写住： [没] mei 潜水：~水 | ~落水底 | 识水性嘅~得好耐 || 集韵队韵莫佩切：“沉溺也” 我谂，用“没”冇错，至少有一本词典证实。

superjill

[没] mei 集韵队韵莫佩切：“沉溺也”

集韵队韵都系读mui6，解为“沉”或者“溺” “没水”就应该系用咗沉嘅意思 “没”字可能系本字

夢星羽

我認為應該是“沕”字。 沕，潛藏也。《集韻》作莫佩切。 襲九淵之神龍兮，沕深潛以自珍。——賈誼·弔屈原賦

吴广德

晕低。 查《粤语审音配词字库》，沕读mat “物”。查简装《新华字典》，冇“沕”字。查unicode (www.unicode.com)，沕发mat6、 mei6音。意思系 deep, (cantonese) dive。但unicode係英文网站，懂嘅人唔多。查《国语辞典》，沕冇潜水嘅意思。 碰到生字，大家都会去查字典。如果我写“沕水”，人哋真係唔知我噏乜。“沕”有可能係本字，但“没”应该係常用字。