[討論]广州嘅地名发音又有啲唔同正常嘅发音噃。

雅风

係广州有两嗰地名，请比较一下发音。罗冲围，螺涌围。我觉得两嗰音好似一样囉。 讲开又讲，广州嘅地名发音又有啲唔同正常嘅发音噃。 十三行路嘅行就读航，行走嘅行就读恒。 流花路嘅花就读化，花园酒店嘅花就正常发音。 署前路嘅署就读暑，行政署就读处。 黄沙嘅黄读枉，黄花岗嘅黄就正常发音。 如果大家发现重有其他类似咁嘅字，请大家发贴喇。。。。。 顺便讲句，原嚟广州都有嗰狮子山喎，係石井嗰边嘅。。。 em12: em12: em12:

highyun

行 可以读 hang4 又可以读hong4，好正长啫。 黄沙 系转调，都系粤语嘅一种现象，例如叫人 黄伯，我地肯定读[枉]wong2，唔读[皇]wong4。

superjill

浆栏路 栏读阴平

余OK

龍洞，洞讀懂。。。

雅风

鹤南，读学南。

余OK

知用中學，知有人讀智。。。

余OK

廣州番禺有一條村叫“都那”，“那”當地居民讀“羅”；有一個鎭叫“石碁”，“碁”其實讀“棋”，但民眾誤作“基”音；而喺佛山南海桂城附近有一個地名叫“鄱陽”，偏偏同鄱陽湖唔同讀音，“鄱”當地居民讀成“盆”。。。

superjill

鹤南，读学南。 ---------------------- 有咩唔同？

尼斯湖怪

"冲"同埋“涌”又点同啫？ “行”字有两种读音，“行行出状元”读“巷” 广州话古怪，都有两种音嘅，唔同场合发唔同嘅音： “楼”字喺“二楼”中读“搂”，喺“楼上楼下”中读“漏”。

雅风

"冲"同埋“涌”又点同啫？ 涌 係读chong1. 例如沙涌。同“冲”同音。 补充：太和，同和，人和，信和广场，联和，呢嗰“和”係读wo2； 鹅掌坦，坦读谭。 大沙地，沙读sa4；沙涌，沙读sa1。 em12: em12: em13:

雅风

superjill在2006-2-6 23:43:20說道：[br]鹤南，读学南。 ---------------------- 有咩唔同？

鹤南，读学南。丹顶鹤，读he4。 em12: em12: em13:

Anl

首先，廣州係冇“螺涌圍”呢個地方，增步橋以西係“羅沖圍”。 羅沖圍分三大區，松北、松南、螺涌。 係某啲人誤作“螺涌圍”。 鵝掌坦，坦係讀“袒”taan2 『大沙地，沙读sa4；沙涌，沙读sa1。 鹤南，读学南。丹顶鹤，读he4。』 好明顯就唔係粵語音標。等我更正妳。 大沙[saa1]地 沙[saa1]涌 鶴[hok9]南

superjill

又谂到几个 沙河、河沙（其中河字可读可音） 坦尾（坦字读炭，我愿意炭可能系坦字本读） 想问下雅风，你讲嗰啲音喺边处听翻来？ “鹤南，读学南。丹顶鹤，读he4。” 其实丹顶鹤个鹤字读音先至有变化，而鹤南读学一啲都无变到

豬豬奶茶

流花路讀流「化」路

雅风

岗顶『deng2』 顶唔顺『ding2』

itxu2k

浆栏路 栏读阴平 ********** 类似"猪栏""牛栏","栏"都读阴平,系粤语嘅升调变读,粤人 中意变调令一个词发音容易啲,呢类似乎冇乜规律可言. ================================================= 知用中學，知有人讀智。。。 ********** 庐陵欧阳修曰：“勇力，人所有，而能知用其勇者少矣。” 呢个知用中学嘅"知"系假通字,本来应该读"智"先啱. ================================================= 廣州番禺有一條村叫“都那”，“那”當地居民讀“羅” ********** 人家系读[no4]啩,"那"古音系读"挪" ================================================= 岗顶『deng2』 顶唔顺『ding2』 ********** 所谓文白读..."顶"系做部分名词时会读成『deng2』 ================================================= “鹤南，读学南。丹顶鹤，读he4。” 其实丹顶鹤个鹤字读音先至有变化，而鹤南读学一啲都无变到 ********** 又系一个升调嘅特例,"丹顶鹤"嘅"鹤"字升为[hok2](阴上调嘅入声),同"壳"[hok3]阴去调嘅入声,即中入调系有分别嘅 多数系名词先会升调,类似嘅有"玉"升为[juk2](未听人升过"肉"字),eg,小玉妹妹; "月"升为[jyut2],eg.赏月 btw,"鹤"同"学"都系读[hok6],完全同音. 中入同阳入真系好难分清,我就已经一头雾水...

尼斯湖怪

分轻音同埋重音嘅读法，我谂係由于为了使白话更加动人，更加适合于公共场所，有啲香港制作嘅电脑教程音频文件都係讲得好娇嗲，使人听起来好舒畅咁。。。

highyun

itxu2k嘅论述好详细，我写嗰篇文章可以参考吓你写嘅嘢。

superjill

superjill在2006-2-8 0:47:32說道：[br]又谂到几个 “鹤南，读学南。丹顶鹤，读he4。” 其实丹顶鹤个鹤字读音先至有变化，而鹤南读学一啲都无变到

见到有人引用我呢句先发觉我呢度其实系讲错咗 其实“丹顶鹤”呢个词里面鹤字读"学"，音无变化 如果话：嗰度有只鹤。 呢个时候“鹤”字就读hok9“(阴上调嘅入声)” 我觉得岗顶个顶嘅读法平时都好常见，好似山顶、顶楼，名词就系噉读