三字經入面一尐字音嘅問題

游人

昔孟母 擇鄰處 子不學 斷機杼 

 

箇「杼」字我自己覺得係讀「恕」音(應該唔啱,請高人指點)

 

有周易 三易詳 有典謨 有訓誥

 

箇「誥」字我自己覺得係讀「號」音(應該唔啱,請高人指點)

 

詳訓詁　名句讀    為學者　必有初

 

箇「詁」字我自己覺得係讀「故」音(應該唔啱,請高人指點)

馬萬千

①子不學 斷機杼（「杼」音同柱[cyu5]）

※木蘭辭入邊亦有「不聞機杼聲, 惟聞女歎息」。 

②有典謨 有訓誥（「誥」音同告[gou3]）

※「誥命大臣」、「誥命夫人」古裝戲成日有。

③詳訓詁 明句讀（「詁」音同古[gu2]、「讀」音同逗[dau6]）

※訓詁意思即係解釋古代文書之字句。此其一。

※「明句讀」第一隻字係「明」唔係「名」。

　意思即係去明解點樣劃分「句讀」。此其二。

※「句讀」個「讀」字讀做「逗」音。

　師說入邊有話「句讀之不知 、惑之不解、或師焉、或不焉。」

　古時經典書藉係無標點符號、學讀書就要識得斷句、然後自己標上去。

　未完之休止、曰「讀」、通常會以「、」作標記。

　完成之休止、曰「句」、通常會以「。」作標記。

　亦有全以「、」或全以「。」標記之情形。

　後來衍變成今日「逗號」同「句號」。

　但係中國就抄襲西文用「，」且將個字改做「逗」。

　而今時今日之日本則係沿用唐時之習慣、曰之「読点（トウテン）」、書之「、」。

    

游人

多謝你嘅解答