廣西粵語，係陌生定熟悉？聽下梧州電視臺粵語新聞嘅發音就知道

xiss

以下係梧州電視臺2010年1月28日嘅粵語新聞。


哈哈，如果冇特別說明，重以為係睇緊廣州嘅新聞。

太奇妙喇，廣州同梧州，分隔兩省，但係廣州音同梧州音，聲韻調就完全一樣。廣州周邊嘅城市，例如順德東莞嗰啲，卻反而有更大嘅音調差異，哈哈，梧州同廣州，似乎冥冥中有種聯繫。

係嘞，細聽之下，發覺內地粵語電視臺（以廣州、梧州嘅為例），雖然聲韻調同香港嗰邊嘅一樣，但係味道總係有啲唔一樣。感覺廣州、梧州嘅「硬」啲，香港嘅「柔」啲。

其中，梧州同香港味道嘅差異尤為明顯。而廣州，就兩種風格兼而有之，以前嘅電視節目以及宜家嘅一啲正式新聞報導就好似梧州噉，「硬」啲。一啲輕鬆諧趣類節目，明星類節目，例如「全民放輕鬆」「明星會客室」等，就似香港，「柔啲」。

[ 本帖最後由 xiss 於 2010-2-2 17:21 編輯 ]

蟲子

聽落好似有啲牽強嘅！？

xiss

原帖由 蟲子 於 2010-2-2 20:48 發表 聽落好似有啲牽強嘅！？

牽強？？能否解釋下？？？

daydreaminghoyi

聽得出"車票","清楚"之類入面既"車","清"同香港音唔同
呢D就係高降調?

meallanfearghai

聽到有些第三聲變佐第四聲，而且「基準價」我聽到gi51(高降) dzœn24 ga3而唔係廣州音嘅高平。

粵嚟粵掂

梧州音係好近廣州音嘅，因為喺近代，有唔少廣肇兩府嘅客商沿粵江行水路一路向西做生意，家下梧州人嘅好多先祖都係嗰陣由廣肇兩府遷過去嘅。有樣嘢唔可以唔提，就係當年洪秀全同佢嘅兄妹，亦都係沿呢條粵江黃金水道，借經常為名，一路向西，傳佈天國教義嘅。近代粵語喺廣西僮區嘅傳播，亦沿著呢條水道，一路向西，直到百色。

 

 

直到依家，梧州嘅騎樓，門口兩支石柱都畀兩個大鐵環箍住，寓意行船靠岸，可見當年粵江東西沿線商貿交往之盛，亦足以印證梧州係兩廣物流交匯中心嘅地位。

 

 

而家喺廣西，除咗廣東廉欽靈防舊四屬之外，梧州係最親粵嘅，其次係賀州同玉林。不過要講到廣西粵語嘅典型代表，就非南寧土白話莫屬，南寧土白話撈咗唔少桂南平話嘅音詞，同廣州話音有唔少差距。

 

 

xiss

原帖由 粵嚟粵掂 於 2010-2-8 22:09 發表

梧州音係好近廣州音嘅，因為喺近代，有唔少廣肇兩府嘅客商沿粵江行水路一路向西做生意，家下梧州人嘅好多先祖都係嗰陣由廣肇兩府遷過去嘅。有樣嘢唔 可以唔提，就係當年洪秀全同佢嘅兄妹，亦都係沿呢條粵江黃金水道，借經常為名，一路向西，傳佈天國教義嘅。近代粵語喺廣西僮區嘅傳播，亦沿著呢條水道，一 路向西，直到百色。

 

 

直到依家，梧州嘅騎樓，門口兩支石柱都畀兩個大鐵環箍住，寓意行船靠岸，可見當年粵江東西沿線商貿交往之盛，亦足以印證梧州係兩廣物流交匯中心嘅地位。

 

 

而家喺廣西，除咗廣東廉欽靈防舊四屬之外，梧州係最親粵嘅，其次係賀州同玉林。不過要講到廣西粵語嘅典型代表，就非南寧土白話莫屬，南寧土白話撈咗唔少桂南平話嘅音詞，同廣州話音有唔少差距。

据闻梧州喺廣西有「小廣州」之称