分析一：
廣州民生話題，屎棍子一問三不知；地道廣州人，唔知廣州有百佳。請睇：
http://bbs.cantonese.asia/viewthread.php?tid=20038（11樓）
分析二：
對於廣州今日已經冇人佢逛嘅「金茂」「越富」熟悉不過，但居然唔知今日廣州人行街必知嘅「中華廣場」？
請睇：
http://bbs.cantonese.asia/viewthread.php?tid=20060&extra=&page=1 （13樓）
[quote]原帖由 使君子 於 2009-12-21 13:22 發表  厮厮，实情我好鬼想同你拍膊头做老襟噶嘛，点知发消息比你唔应，加你Q又唔通过，你都好高斗啫。
见你成日发拼音讨论帖，就系咁意出几条「散手」题「lan2」下你：
· 东莞莞城话，「倾偈」点拼？
· 台山广海话，「饮水」点拼？
· 中山石岐话，「铁钉」点拼？
· 问过宝宝，宝宝唔识答，轮到问你：土华、小洲 二村，当地村民点读「杨桃」一词？请拼出。
· 我初入大洋阵时，云山大兄 用佢乡下方言闹我做「屎棍子」，我即刻用翻佢乡下方言闹翻佢转头。 问：「使君子」同「屎棍子」发音完全一样既，系边个片区方言？用哩个片区方言来读「云山大兄」四只字，应该点发音先好？
· 「事干」、「说话」 两个词，香港边位官员用得最频？
· 「掂档」系咩性质既档口？ 系「耿档」定系 「走鬼档」？系 烧腊档，凉粉档，定系 净卖 女人底衫底裤 ？
· 如果有日，我话请你去「别有天」，你济定唔济？
我係廣州人，今年20，就讀廣東外語外貿大學。
我唔瞭解各地嘅鄉音，點解呢？因為我係廣州人。
土生土長廣州仔，從未離開過廣州（出外旅遊唔算），我哋唔需要向大城市走動，我哋所睇嘅電視，一唔係就廣州話，一唔係就普通話，我哋去到大學之後，
我哋唔識聽粵語其它地方音，但係廣東省其它地方嘅同學都聽得明我哋嘅廣州音。所以，我哋冇瞭解其它地方音嘅環境以及「溝通壓力」。
使君子你睇落去好似好瞭解廣東以及廣州啲嘢，但係你依然唔似係廣州人，點解呢？因為你實在太瞭解呢啲嘢，你瞭解得太深入嘞，而且瞭解得太唔到路喇。
廣州人真正關心嘅生活瑣碎事你唔瞭解（「崗頂」一題就試到你嘞），但係一啲好有研究嘅有關廣東以及廣州語言以及民俗嘅嘢你就十分瞭解。你噉樣就實在太過唔
似廣州人喇。
廣州係一座生活節奏好快嘅大城市，生活壓力好大，廣州人時時刻刻被衣食住行、出行、升學、醫保、社保、就業等生活瑣碎事環繞住，廣州人好現實，佢哋邊道得閒對其它嘢做咁多研究？
廣州人會瞭解邊道有場招聘會，邊間公司工資高啲，但係唔會關心某某詞彙其它地方點樣講；
廣州學生會瞭解中考高考幾多分，邊間學校好，可以去邊間學校，但係唔會關心「掂檔」嘅「檔」係「走鬼檔」頂「緊檔」；
廣州師奶會瞭解邊個市場啲餸平啲，但係唔會關心香港官員比較中意用邊個詞。
廣州人休息放假會關心佢邊道rap、邊道唱K邊道蒲，邊道行街shopping，所以肯定知道某某超市某某廣場會喺邊道，特別系北京路附近嘅嘢，肯
定唔會行花街嘅唔知道西湖路花市，行家樂福嘅唔知道中旅有間百佳。但係唔會關心「石室」由邊個鬼佬起，甚至乎連個係邊個籍貫嘅邊位石匠打造。
噉樣先係廣州，一個充斥住生活瑣碎事嘅城市；噉樣先係廣州人，只懂得生活上雞毛蒜皮嘅事，但係對於啲咩語言民俗歷史緣由，先唔得閒去理。
而你呢？廣州生活瑣碎事一竅不通，或者話一問道呢啲真正嘅「廣州特色」問題時，你一唔係就迴避唔畀出明確答案，一唔係就講埋曬啲無厘頭嘅嘢甚至乎唔符合廣州人生活邏輯嘅嘢。
所以我話你唔係廣州人，至起碼唔係一個土生土長嘅廣州人。
但係我諗你係一個曾經嚟過廣州生活嘅人，點解呢？
因為，你對廣州一啲「旅遊景點」你瞭解得好清楚，例如中華廣場、石室之類嘅，同埋一啲廣州民俗地理概況呢啲咁pro嘅嘢，諸如珠江流向，某某詞語嘅
來歷研究等，你似乎有瞭解過，簡直就好似一本介紹廣州民俗嘅教科書噉。不過，呢啲廣州人會特別去理佢咩？？會研究得咁深入咩？廣州人一日到黑忙碌喺呢個城
市裏面，對呢啲嘢嘅感覺係平常到冇得再平常，唔得閒亦都冇興趣對佢進行咁深入嘅研究。
相反，邊啲人會瞭解呢？呢方面嘅專家，或者話一個希望儘快瞭解一下廣州嘅人，專門查閱有關資料，專門對廣州進行過一次「知識掃盲」嘅人，例如話係一
個外地剛到廣州但想儘快融入廣州嘅人，就可能出現你呢種情況嘞：對廣州一啲好概念化，學術化，專業化嘅嘢你會比較瞭解，因為呢啲可以從文字上瞭解到，但係
對廣州雞毛蒜皮嘅民生問題瞭解得十分單薄，根本就唔似係一個喺廣州生活咗十幾年嘅人。
雖然唔排除某啲廣州人真係會對呢啲嘢有所研究（就好似我噉，一般廣州學生仔懶得理咁多粵語嘅嘢，但係我就好中意研究粵語），不過，無論點都好，點研
究呢啲嘢都好，廣州雞毛蒜皮嘅市井問題你冇可能一問三不知啩？？因為呢啲嘢係生活經歷嚟咖，係你喺廣州生活咗N多年得出嚟嘅故事、經驗嚟咖。
所以我話，無論你點揾資料，點樣瘋狂補漏廣州嘅知識，但係你學到嘅都只係書面上嘅嘢，但係對於一啲廣州生活瑣碎事，你無法知道。所以話，你掩飾唔到：你唔系土生土長嘅廣州人，頂多只係一個曾經喺廣州生活嘅人。
有人問我點解成日要揪住你唔放，噉係因為我好唔中意你幾點作為：
第一，經常對珠三角、香港乃至整個廣東含沙射影（有時甚至重直接攻擊），好似我哋虧欠咗你哋么嘢噉；
第二，經常搞埋曬啲歪論，而且重要用到斷章取義歪曲願意偽造論據證據此類卑劣招數，而且你重係喺每次人哋揭穿你嘅時候，你就唔再回帖而作迴避，但係你就會繼續照舊，繼續發其它帖重複你呢啲行為。噉證明咗：你知道自己噉樣做係唔啱嘅，但係你依然要做落去，就係明知錯都要做，我就係最唔中意你呢點！！
第三，自己嚟自邊道有么嘢好隱瞞呢？講出嚟就係啦。就算你唔想講，你有必要冒充你係廣州人咩？
當然，一個外地嚟廣州生活嘅人就冇么可能瞭解嘞，點解呢？第一，嚟廣州唔長，而呢啲嘢需要多年生活經驗積累
所得，豈能話會就會；第二，呢啲嘢唔似得學術知識，唔可以從文字資料上學返嚟，必須靠自己嘅生活經驗積累返嚟。所以，呢啲問題其實就好容易區分到某個人究
竟係唔係一個土生土長嘅廣州人嘞。 [/quote]
| 
發表於 2010-1-30 21:17:37
