維基有人話「中文=普通話」、「廣東話唔係中文」

小狼

事情係噉樣嘅：

有人寫咗篇嘢，講吓一啲中文維基嘅問題，希望啲維基編輯改善。
呢篇嘢主旨係以其他嘢做主題嘅，但係當中講到啲台灣維輯編輯嘅惡行，就係——
香港廣東話版本，唔畀人叫「中文版本」，有人咁寫咗「中文版本」就會改人哋；
但係嗰啲台灣普通話(國語)版本，佢哋就要寫「中文版本」。有啲路見不平嘅人見到，改做「國語版本」，但係啲維基編輯又改番做「中文版本」。
呢篇嘢有friend forward畀我睇，我一睇，嘩，啲維基編輯回應，話「中文就即係國語」、「廣東話唔係中文」，係「事實」嚟，冇問題喎！
http://zh.wikipedia.org/wiki/Wikipedia:%E4%BA%92%E5%8A%A9%E5%AE%A2%E6%A0%88/%E5%85%B6%E4%BB%96#.E9.A6.99.E6.B8.AF.E5.8B.95.E6.BC.AB.E8.BF.B7.E3.80.81.E9.85.8D.E9.9F.B3.E8.BF.B7.E5.B0.8D.E4.B8.AD.E6.96.87.E7.B6.AD.E5.9F.BA.E7.9A.84.E4.B8.8D.E6.BB.BF
咁戾橫折曲嘅嘅，居然夠膽話係事實，真係火滾！

嶺南散人

釐清粵語 廣府話 廣州話 廣東話箇概念

所謂粵語 廣府話 廣州話 廣東話 好多人都將渠混爲一談 其實渠之閒箇內涵同外延係有好大箇區別箇 應該嚴格該何釐清

粵語 即華語粵方言 下分廣府片 東莞片 香山片 四邑片 羅廣片 高陽片 吳化片 邕潯片 梧州片 勾漏片 欽廉片等 主要分布向當前箇廣東省 廣西壯族自治區 香港特別行政區 同澳門特別行政區

廣府話 即華語粵方言廣府片 下分廣州話 順德話 南海話等

廣州話 即華語粵方言廣府片廣州話 以城內音爲標準音 此外又有西關音等

所謂廣東話 該箇命題難以成立 因爲粵語係跨行政區劃箇語言 勿係廣東一地專有 任何人都無法子準確畀廣東話一箇準確箇定義 祇係坊閒相互訛傳箇產物 所以一般勿提倡使用