20100111——二叔公蒔田同二叔公割禾

猫妖008

外外星人

蒔田呢個詞都聽老竇講過。

 

 

之但係，啲字幕錯得好緊要：

係少塊膶或者少緊塊膶，唔係小塊膶。

（想講咗好耐）重有，粵語小點滴呢幾個字，好明顯係除褲屙屁——多咗個小字。點滴本嚟就係濕濕碎嘅意思，加多個「小」字，係咪多餘呢？你話！

《粵語唔小》，教極都唔聽。

 

其它就唔講喇，自己執生。

外外星人

做得一個噉嘅節目，畀多兩錢肉緊好唔好？從寫稿到出演整個過程，步步為營，就唔會出錯啦！

 

傳承粵語，畀大家一個正確嘅訊息，應份嘅！

 

唔好學似阿邊個噉，教壞「細露」！

外外星人

若果係噉玩落去，粵語唔畀推普機推到亡，都畀你哋玩死。 為虎作倀、助紂為虐，你哋識點解啩？

 

唔好玩粵語，唔該！

猫妖008

我明白你讲嘅嘢，同时亦唔反对，不过，你觉得按你嘅思路去做，节目可唔可以继续？虽然妥协未必系一件好事，但系，至少，我哋重有一个发展嘅空间。

 

再有，你觉得以余老师咁样老广府，佢会唔会唔知道你所讲嘅嘢？而且，喺撰稿人当中，其实一早就有人提出过同样嘅或者类似嘅问题。

 

不过仍然好多谢你一直支持粤讲，畀咁多嘅意见~~