由買U盤總結返嚟嘅買電子產品心德，有經驗嘅一起入嚟探討下。

xiss

喺呢個IT時代，電子產品市場可謂越做越大，款式花樣越嚟越多，可以話，如果你要去買電子產品，絕對唔係么嘢難事，走去電腦城，大把人走過嚟當你皇帝噉伺候嚟等你買佢哋嘅貨品。

不過，「林子大了，什么鳥都有」，呢個越嚟越繁華嘅電子市場，亦都越嚟越復雜。款式多，水貨多，假貨多，奸商更多。廠商、批發商、經銷商，之間關系紛繁復雜，廠商、批發商、經銷商、奸商互相利用，都想盡最大限度噉樣擷取利潤，佢哋互相角力之下產生一個極其巨大嘅水分空間，而佢哋無一不將呢啲消耗嘅代價全部轉向消費者。所以話，買電子產品容易，但係買嘢嗰時唔想畀人揾笨就非常難！！


上個星期，我急需一個U盤，于是就喺上個星期約埋同學一齊跑去電腦城買嘞。點知，原以為只係簡簡單單買個U盤，居然就令我認清咗整個電腦城嘅真面目——黑過黑社會嘅黑墨斗社會。以下係我通過今次買U盤嘅經歷，總結返嚟嘅一啲個人心得，寫上嚟同大家分享下：

第一，買電子產品一定要有多方考慮，諸如品牌，質量，價格，款式，性能等。但係事實上，你要喺電腦城買嘢，基本上係好難兼顧到咁多樣嘢嘅，即係話，你顧得款式嚟，可能顧唔到價格，顧得價格嚟，可能顧唔到性能。所以，喺購買電子產品之前，必定要諗清楚，各方面嘅因素邊樣最重要，邊樣又係其次嘅，當要取舍嘅時候（喺電腦城買嘢時時就要取舍），要取邊樣舍邊樣？呢方面一定要諗定，因為去到電腦城，唔容許你有多少猶豫，你一猶豫，奸商（姑且默認整個電腦城都係奸商）就會食住你嘅猶豫心理上，不斷講嘢嚟到游說你，甚至乎通過價格手段、言語上嘅威脅等，喺你茫然之時盲zung1 zung1噉樣作出咗啱呢個奸商心思嘅選擇——買佢能夠賺到更多暴利嘅商品，當然，呢個商品如果畀你冷靜諗諗嘅話，或者你就會發現佢唔啱你心思，不過嗰時，錢都畀咗嘞，你哭都冇眼淚喇

以今次買U盤為例，去到地鐵站出口，見到一檔U盤促銷嘅，標明「4G 69元 8G 99元」，而且個款都唔錯，價格便宜個款又靚，一次過滿足咗你兩個愿望——價格、款式，可惜質量點呢？我始終存疑，因為摸呢個U盤嘅質感，始終怪怪地嘅，再見到老板娘8GU盤一下子就肯同我降價到85文，超「順攤」，我就感到事有蹊蹺嘞，于是我就開始猶豫買唔買嘞，此時老板開始對我唔客氣，先馬上搬臺電腦出嚟，然后未經過我明確表示話要買嘅情況下就徑直將我想買嗰個U盤嘅包裝拆開，攞個U盤出嚟，插入電腦道試畀我睇——「喇，8G的，可以了吧～～」然后「喇喇林」攞個膠帶出嚟準備入貨，此時我就開始有啲遲疑了，想叫句「讓我想想」，點知個老板好似睇出我心思噉，即刻換個老虎樣出嚟「還想什么想？包裝都給你拆了，你放心，我們這里買得絕對可靠～～～」（軟硬兼施），呢個時候我真係好似畀人落咗咒噉，迷迷糊從袋里面「am4」個荷包出嚟，盡管心里面嗰份猶豫越嚟越大，但係已經到咗「唔情愿都要畀錢」嘅地步嘞。好彩此時我個F即刻大叫一聲：「你這個肯定假的，閃紅燈的金士頓，肯定是假的」老板當場發飆「你是不是耍花樣啊？」「什么耍花樣？你這是心虛吧，要不拿過去客戶點檢驗一下？你怕不怕？」我這是才如夢初醒，立即打消了購買這個U盤的念頭。後來個老板喺後面咒罵我，當然啦，呃唔到人喔，奸商當然唔舒服啦

但從這個經歷可以睇到，喺電腦城，基本上係冇畀你猶豫嘅可能，你一猶豫，你就注定畀人迷惑你做一筆不情愿嘅交易啦，奸商老板會營造各種氛圍嚟迫使你喺極不情愿嘅情況下買佢嘅產品。擺脫呢種魔咒嘅辦法就只有唔允許自己猶豫，嚟電腦城之前就喺屋企諗定，唔滿足么嘢么嘢條件嘅，一律唔準買。例如，我呢次情況噉，假如我之前明確自己只要有懷疑唔係行貨嘅就立即唔買嘅話，我就唔識猶豫即刻走了，自然亦都唔識畀個老板施「魔咒」，差啲迷迷糊送錢出嚟畀佢。所以話，喺購買電子產品之前，必定要諗清楚，各方面嘅因素邊樣最重要，邊樣又係其次嘅，當要取舍嘅時候（喺電腦城買嘢時時就要取舍），要取邊樣舍邊樣？呢方面一定要諗定！！今次好彩當局者迷旁觀者清，有個眼明夠義氣嘅F喺隔離「拍」醒我，但係唔係時時咁好彩咖～～～


（未完待續.......）
[ 本帖最後由 xiss 於 2010-1-2 03:52 編輯 ]

ren1981

不如公開係邊道啦，使乜客氣喎。

xiss

原帖由 ren1981 於 2010-1-3 10:57 發表 不如公開係邊道啦，使乜客氣喎。

天河崗頂.........

紫凤凰

哦，去了岗顶电脑城。