搵返嗰啲就嚟失傳嘅廣州音

外外星人

籲請廣州嘅有聲媒體——
廣州電視臺、廣東電視臺、南方電視臺，發出尋人啟示，請嗰啲過咗六十歲嘅廣州原居民，出嚟講下嘢，...
使，到底係讀「屎」定係讀「洗」？
曾幾何時，一九九零年前出世嘅人，係讀使用（「屎」用），噉，幾時起讀使用（「洗」用）嘅呢？
譬如，壯志未酬身先死，長使英雄淚滿襟。
重有，請佢哋講下，字、詞、句。
有句話可能而家個個都噉講：
1、開咗部車去加油——我諗，八十後、九十後，幾乎冇人覺得唔妥；
2、揸咗架車去入油——睇咗呢句，好多人都以為一百分嘞！
3、駛咗駕車去侵油——呢句幾乎失傳囉！
若果將呢句話改成「一般時態」：
1、開部（或用「架」）車去加油——噉就冇人認得呢句話重係粵語；或者講，佢百分百冇粵語成份。
2、揸架車去入油——呢句，好多人可能以為佢係跟咗香港嘅講法，省港一家親，好難講話邊個跟邊個，我估，噉嘅講法，大致係喺五四新文化運動之後先有嘅。
3、駛駕車去侵油——幾乎失傳嘅呢句，睇怕喺太平天國就有囉！呢度可能有人覺得有疑問，車，點會講一駕呢？無錯，就係講駕，孔仲南嘅《廣東俗語考》係噉講嘅，車一輛曰駕。查實，將動詞作量詞唔係佢發明嘅，睇下呢句，「一騎快馬」（章回小說成日會噉寫），講古佬會講「一忌快馬」，騎，動詞作量詞時讀「忌」。 [ 本帖最後由 外外星人 於 2009-12-31 13:32 編輯 ]

外外星人

原帖由 外外星人 於 2009-12-31 13:19 發表 籲請廣州嘅有聲媒體——廣州電視臺、廣東電視臺、南方電視臺，發出尋人啟示，請嗰啲過咗六十歲嘅廣州原居民，出嚟講下嘢，...使，到底係讀「屎」定係讀「洗」？曾幾何時，一九九零年前出世嘅人，係讀使用（「屎」用），噉，幾時起讀使用（「洗 ...

而家，想寫一部廣州音字典，都搵唔到人正音，想寫部廣州音詞典就難上加難。
希望電視臺畀機會呢啲廣州之寶，出嚟教下啲後生細仔，邊啲先係正宗嘅廣州音、粵語詞句——功德無量呀！

使君子

广州三宝——陈皮老姜禾秆草。

见到班阿伯随街冧起柴枝烧狗，人手拎支「孖九」，无使出声，饮胜！

饭团子

我啊爸51岁。。。
唔知得唔得呢？？

外外星人

 

搵嗰啲廣州之寶出嚟，教下啲後生細仔，邊啲先係正宗嘅廣州音、粵語詞句......
——畀佢哋借助電視臺呢個大眾傳媒，講多啲嘢。

外外星人

再唔搵，正一係：寡母婆死仔——冇望喇！