「尐」定「啲」、「乜」定「咩」、「翻歸」同「翻屋企」

ccrming

上次寫一大編嘢冇人睇，我依家簡單問下：

1.畀「啲」嘢佢，用「尐」會唔會更正确？此字普通話讀（jie2）意思：小，少。（ji2）意思：有花纹的雌蝉。粵音未知，求粵音正讀。

2."乜嘢"定係「咩嘢」呢？「乜」係唔係香港嘅變音讀法。

3.「歸」在古意中有冇「家」嘅意思。我哋南海依邊都係講「翻歸」=「翻屋企」,「屋企」以前未聽我哋依邊嘅人講過，特別係老一背嘅人，依家就梗係會用啦。依個「屋企」好似係香港嗰邊嘅人講，廣州人會講，依家我哋80后出世嘅人會講，但係唔知係同化、演化、定係方言差別，我哋南海以前唔用。

啱啱問咗我阿媽，同讀4年級嘅細佬，我阿媽會講「翻歸」、細佬會講「翻屋企」。

[ 本帖最後由 ccrming 於 2009-12-25 17:49 編輯 ]

馬萬千

①「啲」係新字,「尐」係磚家考證出嚟嘅本字。未有共識。

②「乜」又得「咩」又得。相信係省港澳通用。

③省城老人家都會成日講「返歸」。