粤语求解！请问「死人头」有骂人的意思吗？

linrujian

        昨天，公司又咗个有男友的新同事(又没机会啦)，见到我们老大（主管）办公桌乱，就来了句：「死人头咯，咁乱，都唔收什下。」结果被臭骂了一顿，老大讲她：「没礼貌还出口骂人，看不出那么没素养！」

        老实讲没礼貌是真的，但到底有没骂人就很难讲啦！平心而论，个人感觉没！但这个「死人头」到底是唔是骂人专业术语来的？？？？？

        同理还有「死衰鬼」「死佬」等~~~~唉，其实在外地人开的工厂打工点有本地人随意讲粤语的机会啊！真唔知行情

一帆鱼跃

从字面意思睇嚟也唔系好话啩，哈哈。

xiss

「死人头」当然有骂人责备之意啦，不过程度较轻，相当于普通话嘅「什么东西~~这么乱，都不收拾一下」。

 

不过，新人都居然够胆对主管如此出言不逊，都算唔识做喇佢~~

外外星人

原帖由 linrujian 於 2009-12-15 09:43 發表         昨天，公司又咗个有男友的新同事(又没机会啦)，见到我们老大（主管）办公桌乱，就来了句：「死人头咯，咁乱，都唔收什下。」结果被臭骂了一顿，老大讲她：「没礼貌还出口骂人，看不出那么没素 ...

睇下邊個同你講囉！未必鬧人嘅。

大頭仔

「死人頭」，當然係出言不遜，但未必鬧人。

該新同事只係自怨自艾，「死人頭咯」等同「弊嘞」或「死啦（音laa1）」，言者無心，聽者有意，唯有怨與老大（音歹）八字唔夾而已。
貴同事是否外江婆，不得而知，粵人好少如此講法。

「死人頭」活用一例：
兒子一再追問，何時有零食，問得多，問到老母（麻土切，上聲）發火：「問問問，問你個死人頭！」
其他：◇◇◇，◇你個死人頭！此處四個◇都是同一個單字動詞，意思是禁止再◇。

Qpound

"死人頭" 喺出言不遜, 作為新人, 不應這樣, 但"死佬" "死衰鬼"多出現喺情侶或夫妻之間, 有打情罵俏或輕微責備之意.
例如: "死衰鬼呀, 叫你落樓買豉油都買咁耐, 做過D咩嚟吖!"  或是, "隻死(衰)佬淨喺識得開臺, 都唔識冧下翻屋企開飯!"  
也有"死鬼" "衰公" "衰婆" 多個用詞.