谢谢啦！那「猪笼进水」和「哻家富贵」又何解！

linrujian

唔是有「竹篮打水一场空」吗？用猪笼装水，唔是都「漏水」了！点解还用来恭喜人挣大钱的？？？另人

费解！！「哻家富贵」（哪个「哻」的)哩个就更离谱啦！！明明是要人家全家死光光的，点解还说「富贵」

啊！

馬萬千

①豬籠入水

試諗下將個豬籠抌落水，牛龜咁大個窿，啲水梗係從四面八方湧晒入嚟。

而「豬籠入水」就係形呢個好多水湧入嚟嘅壯觀場面。

再諗下，你個銀包都好似咁多「水」湧入嚟嘅話，係何等嘅發達。

②咸家富貴

※呢處「咸」破讀HAM6

單刀直白同你講「我會做低你全家」嘅話，就構成咗恐嚇罪，即刻「叉廚」，

洗乾浄個八月十五等踎監都得。

所以黑社會嘅大老就會講D反話嚟恐嚇人。

例如有個人兇神惡煞、同你講一句「僆仔，同我問候下你老豆老母啊！」，

呢句嘢表面上係禮節上嘅行貨通候，而實質達到咗恐嚇而唔使孭飛嘅目的，

直頭係江湖人士智慧嘅結晶。

故此，同你講一句「我祝你咸家富貴」你話係攞景抑或係贈慶？

linrujian

       余老师！！谢谢了！老实讲，现在的80后，90后都多数是「普粤结合」啦，虽然还懂怎么讲粤语，但个中原由就一知半解，希望你的节目越来越好！

 

五毫纸

我见到好多人都写「冧家富贵」

五毫纸

唔好意思，打错字添，应该系好多人写「冚家富贵」 sorry

dert112233

冚家富贵亦係啱嘅

miracle81384

3樓嗰位仁兄，80後嘅粵說文寫作能力要比70嘅人仲要好。咪拖埋我哋80後嘅同90後嘅一齊講！咁係唔多正確嘅！

条野太郎

冚家富贵，好似一个日本人的名。。。

大頭仔

1. 無「豬籠進水」一詞，應係「豬籠入水」。版主馬萬千解釋正確生動。

2. 原本是「冚家剷」，重慘過仆（音皮屋切，跌倒也，並非簡體僕字）街，連地皮都剷起，其意為全家連人口，乜都冇得剩（音淨）。
    此為咒詛，非恐嚇。結果連講者都覺太狠毒，故攺曰「冚家祥」。
    祥者，吉祥也，乃是反話，猶之乎稱通書（輸贏之輸）為通勝，空（凶）屋為吉屋。
    現代人更現實，不欣賞吉祥，只識要銀（牙品切，陽上聲）最終演化成「冚家富貴」。
    當年三狼案，綁匪暗語為「冚家富貴」，法庭審案時，繙繹成Bless your whole family rich，聞者絕倒，鬼佬法官一頭霧水。
    冚家者，全家所有成員也。古稱闔家，闔府、闔第。冚乃闔之變音，為冚扮爛之簡稱。

冚扮爛是全部，中性代名詞，無褒貶意。
闔又可寫成閤。
閤除可作闔之外，又可作閣，古詩「新人從門入，故人從閤去。」