|
今日諗起佢，想寫下，而已。ffice src="./images/smilies/default/shocked.gif" border=0 smilieid="6">ffice" />
歐陽第一代，暫且叫佢做歐陽V。1啦，佢解放前響廣州西關開咗間雲吞面鋪嘅，生落歐陽二代（歐陽V。2）十個八個，因為聽講果時系無計劃生育呢樣野嘅，所以佢地一家都好窮，養唔掂咁滯，窮到咩程度呢，窮到V。2大仔娶個老婆返來即時炒咗兩個伙記，兩個伙记做开果D野，由个大心抱包晒，做到個大心抱死下死下，憎到個V。1女掌門死，V。1代女掌門「走」咗幾十年喇，个大心抱都重要數佢。。。
解放後，間雲吞面鋪就被人收咗無得做喇，V。2大仔入咗工廠做，其實V。2大仔無乜文化嘅，只不過，因為V。2大仔以前響佢老豆間雲吞面鋪度有部雪櫃，畀佢摸下摸下捉到雪櫃製冷嘅路，於是，佢響製冷呢行算系有技能嘅人才，做下做下就做咗廣州某工廠個廠長。
到咗文革，佢就「搖身一變」，變成為一個「資本家的孝子兒孫」，外加「反動學術權威」，畀人批斗唔在讲，斗完就咁成家就畀人「燉」咗返鄉下。。。據V。2大仔講，佢響鄉下個冰室果度，研制咗一套當時全國第一個利用機械餘熱加溫燒滾水嘅自動化系統，为此，有年「周總」路過佢鄉下果時都特意接見佢，同佢握咗下手。
儘管V。2大仔成日將「周總」同佢握過手嘅事成日掛住響嘴邊，講到街知巷聞，總之凡系識得佢嘅人，無一個唔知呢件事，我好天真咁以為，以佢對「握手事件」嘅回味程度，佢一定好留戀呢個「握手」嘅國度喇。點知，V。2大仔年過七旬果時，一樣死都要死出去美國，重話，要帶錢過去美國買屋添，佢話要買屋來等V。4代去到美國果時會有個地方住喎。。。佢就宜得V。3同V。4代都去曬美國。。。
V．3代系我個朋友，佢響國內辛辛苦苦做生意，響九十年代已經做到有千萬家財，但系就多多都唔夠畀個V。2大仔拿去美國作買屋之用，所以，我耐不耐就見佢偷偷背住人抹眼淚。。。
[ 本帖最後由 柳寻风 於 2009-12-13 20:07 編輯 ] | 
發表於 2009-12-12 22:16:00
