粤语求解！乞望指点。

linrujian

        记得细个时，我做错事，奶奶总是很和气同我讲：「失魂鱼仔，下次小心D就德啦。」但是依家做错事老妈就恶死：「死盅瘟鸡，发你个王瘟啊！」※★☆◎……
        呵呵~其实想问一下「失魂鱼」与「盅瘟鸡」有咩区别！一样的？？？哦对了还有 「乌雪雪」 正确写法又是怎样的？感觉三个都差唔多，好难分。

         另外我看「粤讲粤过隐」时看到话咩，提问有礼品奖，是在边度来的？？？？？？？？

馬萬千

失暈魚、指記性差、成日唔記得呢樣嗰樣。

舂瘟雞、指做嘢無計劃、亂咁嚟而且慌失失。

烏垂垂、指一無所知、乜都唔識、瓜咗都未知咩事。

提問係「有機會」獲得獎品。

答完收工。

一帆鱼跃

感谢版主，长知识咗。

新桂人

失暈魚、除指記性差、成日唔記得呢樣嗰樣之外。我觉得还包涵做起事来,或方向或目标唔明昕的意思.

 

jun2982804

原帖由 馬萬千 於 2009-12-12 14:02 發表 失暈魚、指記性差、成日唔記得呢樣嗰樣。舂瘟雞、指做嘢無計劃、亂咁嚟而且慌失失。烏垂垂、指一無所知、乜都唔識、瓜咗都未知咩事。提問係「有機會」獲得獎品。答完收工。 ...

马版主，请讲明「 烏垂垂」中，「 垂垂」发音究竟系乜，否则人地会误会成读「seoi」，因为广东俗语中无「乌seoi seoi」，只有「乌doeng doeng」

紫凤凰

原帖由 jun2982804 於 2009-12-22 17:34 發表 马版主，请讲明「 烏垂垂」中，「 垂垂」发音究竟系乜，否则人地会误会成读「seoi」，因为广东俗语中无「乌seoi seoi」，只有「乌doeng doeng」

冇烏seoi seoi，但有烏soe2 soe4

大頭仔

◎ 失魂魚。話人「魂遊象外」，謂之失魂。

◎ 舂瘟雞。雞隻發瘟，乃是病症，病到迷迷懵懵，舂頭（他九切）埋牆。

◎ 雞隻發瘟又曰發黃瘟，係一種疫症，徵狀似人類之黃疸病。不宜以此咒罵小童。

◎ 烏殊殊。後兩殊字乃象聲詞，幼兒小解謂之「痾殊殊」。惟烏殊殊須音 wu1 soe4 soe4。

◎ soe4之發音略如英文sir字，soe4 soe4 者﹐成人小解也。昔日粗口乃「白馬黑撚」之歇後語，謂之「烏鳩 soe4 soe4」。
    此處撚與鳩，皆陽具之粗口別稱。例如「打死你」，粗口謂之「打撚死你」或「打鳩死你」。
    是以我哋斯文人，唔好立亂講「烏 soe4 soe4」呀！
    稱之為烏龍（音 lung2）或蒙查較佳。

Qpound

回覆 5# jun2982804


    廣州俗語喺有烏seoi seoi哩個發音嘎, 亦都有烏deong deong, 純粹個人意見