搜索個索字應該點讀？

iamkim

粵語搜索個索字應該點讀？生活上系廣州大家都讀「suo」，但我睇電視好多人都讀「sa」,雖然聽唔慣讀「sa」，不過想問下大家搜索正音應該點讀？

馬萬千

廣州人讀「搜索」個「索」係讀 SOK，而唔係把「梳」SO，更加唔係「SUO」。此其一。

香港人讀「搜索」個「索」係讀SAAK，而唔係玩泥「沙」SAA，更加唔係「SA」。此其二。

正音啊？照正讀開書嘅人嚟講，呢隻字就

做名字就SOK, 例如 「繩索」「線索」

做動字就SAAK, 「搜索」「索取報名表格」同埋

當你去買嘢嗰陣, 畀個事頭婆「開天索價」嗰陣, 好多人都以為係讀「開天殺價」,

査實唔係,殺價係買家做嘅嘢,有乜理由賣家會「殺價」, 賣家係「索價」讀做「SAAK價」。

不過市井之徒両個音就打亂嚟用，加上廣州被普通話汚染咗咁多年，講出嚟嘅廣東話都唔多純正架啦。

xiss

畀楼上噉样讲一讲，又有啲感觉喔~~~~~~~

寶寶

原帖由 馬萬千 於 2009-12-10 22:10 發表 廣州人讀「搜索」個「索」係讀 SOK，而唔係把「梳」SO，更加唔係「SUO」。此其一。香港人讀「搜索」個「索」係讀SAAK，而唔係玩泥「沙」SAA，更加唔係「SA」。此其二。正音啊？照正讀開書嘅人嚟講，呢隻字就做名字就SOK, 例如 「 ...

大師不愧係大師啊～～～～

neolite

擄人勒索，勒索saak？

神七咁早

原帖由 neolite 於 2009-12-18 09:22 發表 擄人勒索，勒索saak？

 

其实马万千嘅解释并非全对

 

根据《康熙字典》嘅解释，「索」字凡与绳有关嘅都读sok3音，而凡与求有关嘅都读saak3音

 

而「擄人勒索」嘅「勒索」一词嘅本义系源自收紧绳子

 

故此「勒索」嘅「索」字虽系动词，但仍须读作sok3音

 

又比如「将个绳结索紧D」嘅「索」字，虽然系动词，但由于与绳子有关，故仍须读sok3音

 

即系话，「索」字只要与绳子有关，无论名词，又抑或动词，都须读作sok3音，而非saak3音

 

 

寶寶

原帖由 神七咁早 於 2009-12-18 11:54 發表   其实马万千嘅解释并非全对   根据《康熙字典》嘅解释，「索」字凡与绳有关嘅都读sok3音，而凡与求有关嘅都读saak3音   而「擄人勒索」嘅「勒索」一词嘅本义系源自收紧绳子   故此「勒索」嘅「索 ...

馬萬千原文係「呢隻字，就做名字就SOK, 例如 『繩索』『線索，做動字就SAAK，『搜索』『索取報名表格」。

 

既然「而『勒索』嘅『勒索』一詞嘅本義係源自收紧绳子」，呢個「索」就應該係名字，讀SOK。

 

而呢個「『将个绳结索紧啲』嘅『索』」，應該系動字啩。但系呢個點讀咧？額，有待高人指點迷津嘞。

 

[ 本帖最後由 寶寶 於 2009-12-18 12:52 編輯 ]

neolite

經神七一提，我發現同繩有關嘅都係sok，求有關嘅先係saak。多謝前面兩位嘅指教！

神七咁早

原帖由 寶寶 於 2009-12-18 12:39 發表 馬萬千原文係「呢隻字，就做名字就SOK, 例如 『繩索』『線索，做動字就SAAK，『搜索』『索取報名表格」。既然「而『勒索』嘅『勒索』一詞嘅本義係源自收紧绳子」，呢個「索」就應該係名字，讀SOK。   ...

 

「勒索」一词系并列词组，而并非动宾词组

 

「勒索」嘅「勒」「索」二字均为动词，本义系解作勒紧，索紧

 

 

 

[ 本帖最後由 神七咁早 於 2009-12-18 13:33 編輯 ]

xiss

原帖由 寶寶 於 2009-12-18 12:39 發表 馬萬千原文係「呢隻字，就做名字就SOK, 例如 『繩索』『線索，做動字就SAAK，『搜索』『索取報名表格」。   既然「而『勒索』嘅『勒索』一詞嘅本義係源自收紧绳子」，呢個「索」就應該係名字，讀SOK。   而呢個「『 ...

雖然神七今次引用嘅亦都係僅僅只有《康熙字典》嘅解釋以及神七自己依次而對粵語讀音推測。

但係由于同我哋嘅日常發音習慣切合，有發音習慣佐證，所以我覺得神七嘅講法可以考慮下

寶寶

原帖由 xiss 於 2009-12-18 14:17 發表 雖然神七今次引用嘅亦都係僅僅只有《康熙字典》嘅解釋以及神七自己依次而對粵語讀音推測。但係由于同我哋嘅日常發音習慣切合，有發音習慣佐證，所以我覺得神七嘅講法可以考慮下 ...

嗯嗯。

 

寶寶

原帖由 神七咁早 於 2009-12-18 12:56 發表   「勒索」一词系并列词组，而并非动宾词组   「勒索」嘅「勒」「索」二字均为动词，本义系解作勒紧，索紧      

額，原嚟系噉～多謝指教。

其實平時都系聽到啲人讀勒索SOK嘅。。。