拿拿拿,呢D叫做」耿直」喇

柳寻风

琴日有班来自某县某镇某乡嘅村民来揾我地老世, 系我老世D咩家乡父老叔伯兄弟来嘅, 当时我老世唔响公司,果班叔伯兄弟就自己招呼自己响老世间房度坐,临落班果时,走埋来我度要我帮佢地打D野,我无所谓,就同佢地打啦, 卒之打到过晒钟, 好在我琴日个老师逃学啫,唔系就麻烦喇.

fficeffice" /> 

帮佢地改好打好之后,问下佢地改动嘅地方有无意见,佢地就行埋来睇,点知闻到佢地成zam酒ceoi，哦，原来呢班友，自己识开我老世个冰箱攞酒饮喔。

 

佢地睇过话无意见，就叫我打印出来，果时已经迟晒放工喇，点知，佢地一句唔该都无，一个二个坐上车就咁就扬长而去，我重响处等紧佢地呢班大爷重有无其他吩咐添。

 

到今朝早返到公司，个清洁阿姨问我，点解老世间房成地都系花生壳呀？从来未试过咁lat tat。

点知，我做野果时，咦，我支「点38口径」嘅私家笔呢？

 

我支私伙笔呀！

 

我从细带到你大，我地两个相依为命、生死与共，你对我有情有义，肝胆相照，你独一无二嘅流畅笔尖，令到我写野果时有如神助咁畅快，几多盲毛对你写出来D字闻风丧胆，你为我做咗耐多野，我居然未畀过一餐饱饭过你食，我对你唔住呀！你唔好离开我呀！我一直将你当自己人来看待，估唔到今日，招呼都唔打声，你就咁畀人拐走咗喇。你衣家响边度呀？我好挂住你呀！

 

fatcat

咁似<<唐伯虎点秋香>>小强你死得好惨果个情节,不过系公司饮食同偷嘢真系贱到无人有

xiss

农民兄弟啲素质有时的确不敢恭维，我喺学校都领教过班农民工嘅风采：

 

有一次我同我女友喺饭堂[yaan3]台脚，殊不知隔离嚟咗一位工人（嗰时我哋学校搞基建，好多外观充满时代感嘅大楼就系靠呢班工人辛辛苦苦建成嘅）（嗰时饭堂好少人，到处有空位，但佢就十分「识做」噉样径直走过嚟坐喺一对情侣嘅隔离，丝毫无惧「电灯胆身份」），食嘢食到[fe4 fe2]声，严重影响咗我哋嘅氛围。更令人「欣赏」嘅系，佢居然除咗对鞋，两脚迅速上提，然后两只脚板底同张櫈亲密接触，迅速完成咗「[mau1]喺张櫈道食饭」（专业名称：「兜[mau1]食饭」）呢个极为「后现代」嘅动作，大搞行为艺术。

 

我同我条女嘅温馨氛围迅速变为浓郁嘅「脚香味」氛围，我女朋友[be1]咗佢一眼，佢居然重向我哋反投射出一种「你能奈我咩何」嘅嚣张眼神，我俩就此心寒，迅速离开饭堂，结束咗呢次充满意义嘅「饭堂温馨约会」嘞。

柳寻风

原帖由 fatcat 於 2009-12-8 19:08 發表 咁似<<唐伯虎点秋香>>小强你死得好惨果个情节,不过系公司饮食同偷嘢真系贱到无人有

佢地可能系非惡意嘅順手牽羊嘅啫，佢地唔知支筆對我有幾重要嘅。。。。後來我抄到老世間房，老世話佢部車果度多咗支筆，可能系我嘅，佢話落去攞返畀我，我話算喇，由佢。

 

 我平時偷老世D茶葉偷唔少，報應喇呢次。

柳寻风

原帖由 xiss 於 2009-12-9 19:00 發表 农民兄弟啲素质有时的确不敢恭维，我喺学校都领教过班农民工嘅风采：   有一次我同我女友喺饭堂[yaan3]台脚，殊不知隔离嚟咗一位工人（嗰时我哋学校搞基建，好多外观充满时代感嘅大楼就系靠呢班工人辛辛苦苦建成嘅）（嗰时饭 ...

 響飯堂撐台腳？浪漫喔~~~

不关云和月

节衰啦~~~~典型贪小便宜兼冇教养冇礼貌，讲嘢大大声~~~~去人哋地头重好似喺自己屋企噉~~~~秀才遇着兵~~~~闹完 ！！！！已经闹得好温和咖嘞~~~~哈哈~~~~

柳寻风

 不拘小节啫。。。

 

做大事嘅人，不拘小節呀。

cingsan

你老世都無意見……你哋講甘多嘢做乜？？你老細重情重義吖，無因為班鄉下佬而睇唔起人！

柳寻风

原帖由 cingsan 於 2009-12-10 10:22 發表 你老世都無意見……你哋講甘多嘢做乜？？你老細重情重義吖，無因為班鄉下佬而睇唔起人！

好似帮佢地開OT果個唔系我老世啵~~

xiss

原帖由 柳寻风 於 2009-12-9 22:29 發表  響飯堂撐台腳？浪漫喔~~~

你未试过撑台脚~~~~~~