「扑街」与「冚家铲」的由来

紮那魯剛多

「扑街」与「冚家铲」的由来

作者：不祥 

来源:网络 

      广东话哩语「扑街」与「冚家铲」的由来大家在观看周星驰或者其它香港影星嘅电影会发现，「扑街」与「冚家铲」依两个哩语，出现机率会好高。好多人都误认为「扑街」与「冚家铲」系两句粗口。其实依两个词本意并不粗鄙，相反都带有一定嘅文言文成份，在参考过一D广东近代嘅文献以及一D老人嘅口头回忆之后，我用比较简明嘅文字离讲一下，关依两句哩语的由来。
 
『扑街』
 
     「扑街」依个词出现于近代满清，其发音来源有好多种说法，以下一种说法，比较多人认同：话说系十八、十九世纪，好多英国商人来广州经商，英国商人离广州，都系搭船去广州D码头然后上岸同广州D商人进行贸易，当时广州D码头有好多衣不遮体嘅搬运工人，而码头装卸货物都要靠依班贫苦劳工离完成，英国商人离广州做生意，经常要接触依班搬运工，久而久之，英国商人都称呼D码头工人叫"poor guy」。后来因为满清政府腐败无能打败仗，割让左香港比英国，而当时嘅英国为左系香港进一步侮辱华人，将香港好多嘅下层劳工都称为「poor guy「。而D华工基本上都唔识英文，但系都明白到「poor guy」，但系都明白到依个词系侮辱人嘅意思，所以反译成字面都成左「扑街」。
 
 
 
      而扑街依个词嘅含意系「暴尸街头」嘅意思，其来源同满清政府嘅暴行有关。话说系清兵攻陷广州之后，满清对广州人民犯下滔天罪行，殘杀左几十万唧广州居民，广州人民对满清政权恨之入骨。在满清统治期间广州一带经常爆发反清复明嘅起义，于是满清政府就系广州而家「法场路」依个地方设立左一个十分之大嘅刑场，专门斩杀被抓获嘅反清志士。由于当时广州系全亚洲最富裕嘅城市，响应起义嘅人并唔系好多。但系第二次鸦片战争战败之后，经济嘅恶化，以及民族矛盾尖锐，引发更多人加入反清复明嘅起义入边。「法场路」几乎每日都要处斩大量嘅反清志士。而斩首行刑果阵，总会引来大批唧市民围观，D市民一路睇斩首，一路系到意论，斩刀一落，人头就落地，条尸就好自然咁扑左系条街到，于是周围围观嘅市民又会系到议论：今日又有咁多人扑街咯。而久而久之扑街就成为左「暴尸街头」嘅意思，又成为左一句好恶毒嘅广东话闹人名词。
 
『冚家铲』
 
     「冚家铲」依个词系「灭门」 「满门抄斩」嘅意思。「冚"代表全、所有嘅意思，「冚家」既系全家。铲：大意是(一)表割除。唐·柳宗元的《钴鉧潭西小邱记》：铲刈秽草，伐去恶木。(二)削平。通剗。唐·杜牧《原十六卫》：於是府兵内铲，边兵外作。依个词嘅起源说法不一。现在大部分观点认为都系起源于满清，因为满清政权对待汉人十分之殘暴。汉人犯灭门之罪不单全家杀清光，而且连祖坟都会连根铲起，作为一种对其它平民为恐吓作用的刑罚。「冚家铲」最初系官方嘅常用述语，用来判处犯人「灭门」嘅刑罚。而满清果阵，官员审犯判案老百姓都可以系公堂门外围观或者听对犯人嘅判决，当听到官员讲「冚家铲」果阵，大家都明白到系判咩刑罚。久而久之，一般嘅平民百姓都会用「冚家铲「依个词离嘅闹人，「冚家铲」亦成为左一句好恶毒嘅闹人名词。
 
      后来有D人为左加重闹人嘅语气，通常会将「扑街」「冚家铲」加起离一齐连读，用来加重对对方嘅咒骂语气。

xiss

嗯~~呢偏文章好有价值

紫凤凰

晨早睇過嘅嘢。

carl_lau

I am a poor guy,我林好多人都系，不过我觉得 poor guy同扑街都系差唔多啦，都系一样甘扑街0架喇

嶺南散人

咸家鏟

李四

回覆 1# 紮那魯剛多


    係『仆街』，唔係「扑街」呀！
如果係『扑』條街，就係破壞公物。如果係喺條街上『扑』嘢，就係有傷風化嘅風化案。