比较三个字

alex

广东话“得”“到”“成”都可以表示普通话既“得”，点分别，以下系咪是但用都得 件事做得/成/到点？ 琴晚训得/成/到点？ 你做得/成/到好好。 韩文你学得/成/到点？

NGF

alex在2005-12-21 17:22:13說道：[br]广东话“得”“到”“成”都可以表示普通话既“得”，点分别，以下系咪是但用都得 件事做得/成/到点？ 琴晚训得/成/到点？ 你做得/成/到好好。 韩文你学得/成/到点？

第二句 一般我都会用“琴晚训成点？”，用其它嗰两个字就会变得好绕口。。。 用普通话读嘅话就会用“得”字，例如“昨晚睡得好么？” 第三句 就会用“你做得好好。”，改用“成”同“到”字都会觉得有啲怪。。。 第四句 个人认为都係普语先用个“得”字

desmond

件事做成点？ 琴晚训成点？ 你做得好好。 韩文你学成点？

dada

係個「瞓」字﹐唔係「訓」。

highyun

我会讲： 琴晚瞓得点？ “成”系指结果，即系“瞓醒咗之后得到咩结果”，而“得”系指瞓嘅时候嘅状态，例如“瞓得唔好”抑或“瞓得好熟”等等。

南粤高凉仔

件事做到点？ 琴晚训到点？ ＝＝＝＝＝＝＝＝＝＝＝＝＝＝＝＝ 呢两句中的＂到＂字我好少用啊，好唔顺口．

desmond

係瞓得好lam6呀，瞓得好熟已經受普通話影響啦。

dada

desmond在2005-12-22 17:46:07說道：[br]係瞓得好lam6呀，瞓得好熟已經受普通話影響啦。

我讀nam6。我覺得「腍」嘅意思好啱﹐不過要變調讀。

highyun

desmond在2005-12-22 17:46:07說道：[br]係瞓得好lam6呀，瞓得好熟已經受普通話影響啦。

系瞓得好nam6啊，“lam6”已经受懒音影相喇。 em2:

desmond

係新一代粵語口音。

Yucky豕

我覺得係: 件事做成點？ 擒晚瞓得腍唔腍？ 你做得好好。 你學韩文學成點？

Anl

唔係一律都要用“點”放句後做疑問嘅。 我覺得係噉樣講： 件事做成點？ 尋晚瞓得好唔好？ 你做得好好。 韓文你學成點？