已经播到第二集嘞,第一集系讲西班牙同葡萄牙嘅。系喔,TVB今次重播,系唔系同第一次播嗰个版本一样,有狄娜喺道做旁述以及评论咖?
《大国崛起》真系一个传奇,特别系TVB嗰个版本,零舍珍贵,一嚟系粤语版,二嚟有狄娜嘅精彩政治旁述,而且内容敏感,内地肯定冇得买,可谓再亦都喺内地遇唔到。
所以嗰事首播,每播完一集就即刻喺第二日下载,惊死迟咗过咗下载高峰期冇得下载(我用BT喺香港HDZONE下载),甚至乎一放学就跑返屋企下载,更加试过临下载时发觉鼠标坏咗,「喇喇林」跑出去搭车赶去电脑城买鼠标然后又搭车赶返屋企下载,哈哈哈,真系有惊无险啊。好在,我都成功下载晒全部集数,刻录咗落只DVD道,成功收藏
谂返起嗰时,又真系发觉自己办事几高效率下,真系过瘾 |