「羡慕」怎么说？

lingfield

用一个字表达的，是不是「恨」？

jun2982804

恨死隔篱

对一华

白宛如《广州话本字考》
【欿】hɐn˨　通常写作「恨」
　　很想得到，渴望得到：我好～荔枝（我非常想吃到荔枝）｜～钱（很想得到钱）｜～睇戏（很想看戏）｜佢～生仔，唔～生女（他很想得儿子，不想生女儿）。
　　《广韵》感韵，～，胡感切，「欲得」。
　　按：此字古音收m尾，今读n尾。

[ 本帖最後由 对一华 於 2009-10-24 01:22 編輯 ]

唔三唔四蠢魚

两者并唔完全相同。

羡慕，係睇到人地有，而自己亦想得到。

恨，极之想得到。既可以係因为羡慕别人而想得到，亦可以係纯粹因为啱自己心水而想得到。

如：
呢套戏，我恨睇好耐嘞！（这部戏，我想看很久了。）
其中并冇羡慕之意。
我谂，「眼热」比较贴切啲。

jun2982804

原帖由 对一华 於 2009-10-23 21:54 發表  白宛如《广州话本字考》【欿】hɐn˨　通常写作「恨」　　很想得到，渴望得到：我好～荔枝（我非常想吃到荔枝）｜～钱（很想得到钱）｜～睇戏（很想看戏）｜佢～生仔，唔～生女（他很想得儿子，不想生女儿）。　　《广韵》感韵，～，胡感切，「欲得」。　　按：此字古音 ...

既然你咁认真，咁我都认真啲，查吓字典先~

据查《古汉语常用字字典》（修订版 商务印书馆 1996．北京）如下解释「恨」：

遗憾，不满意。《史记．魏其武安侯列传》：「侯自我得之，自我捐之，无所～。」（侯：指侯的爵位。捐，抛弃。）《荀子．尧问》：「禄厚者民怨之，位尊者君～之。」（禄厚者：傣禄高的人。位尊者：地位尊贵的人。）［辩］憾，恨，怨。「憾」和「恨」是同义词，都表示遗憾。先秦一般用「憾」，汉以后多用「恨」。「怨」和「恨」不是同义词。在古书中「怨」表示仇恨、怀恨，「恨」不表示仇恨、怀恨。只有「怨恨」二字连用时才有仇恨的意思。

基于以上对古字意思嘅认识，我认为「恨死隔篱」解作「想得到某样嘢」喱个字面解，正因为佢有「遗憾」喱个意思，遗憾自己无嗰样嘢，所以先得到嗰个字面解：「想得到某样嘢」。

jun2982804

我从系网上睇过文章评论文言文与现代文嘅区别，话文言文系用词表达上，要含蓄、委婉过现代文，如明明系如厕，偏要讲去更衣。

我谂我哋广东话既然由唐宋时期口语发展而嚟，咁应该天生有喱种含蓄，委婉能力，否则就难以理解「唔该」等词嘅意思：唔咪讲人哋唔应该，而系话自己唔应该。

同理，理解「恨」系广东话嘅意思，唔无由现代话去理解佢有「仇恨」嘅意思，因为如果讲有同「仇恨」相似嘅意思，系广东话中应该用「憎」。而我自己觉得「恨」正因为系有「遗憾」之义，所以先系度解为「遗憾自己无嗰样嘢」，进而可以理解为「想得到嗰样嘢」。

jun2982804

原帖由 唔三唔四蠢魚 於 2009-10-25 21:51 發表 两者并唔完全相同。 羡慕，係睇到人地有，而自己亦想得到。 恨，极之想得到。既可以係因为羡慕别人而想得到，亦可以係纯粹因为啱自己心水而想得到。 如： 呢套戏，我恨睇好耐嘞！（这部戏，我想看很久了。） 其中并冇羡慕之意。 我谂， ...

诚然，两者意义并非一模一样，但都有同样基础：都因缺少所羡慕之人嘅嘢，或者觉得自己嘅嘢衰过人哋嘅嘢，否则如果佢自己嘅嘢同人哋嗰啲一样嘅正，佢使乜恨人哋嗰啲啫