龕

UngooChan

「龕堂」，「骨灰龕」……查字典得ham1呢個音，但呢幾日啲新聞開口埋口都係am1、ngam1。

xiss

可能，am1、ngam1其實係一種懶音啩。骨灰ham1一個唔留神聽成骨灰ngam1，然後就一路錯讀落去嘞ngam1、am1～～～～

紫凤凰

未必係懶音，字典出示嘅可能係舊音韻，對比下而家讀嘅音，就會知道係聲母冇咗，粵語向有聲母脫落嘅「前科」，此可能係聲母脫落。

xiss

原帖由 紫凤凰 於 2009-10-23 10:19 發表 未必係懶音，字典出示嘅可能係舊音韻，對比下而家讀嘅音，就會知道係聲母冇咗，粵語向有聲母脫落嘅「前科」，此可能係聲母脫落。

佢查嘅現代字典，查嘅音應該就係現代讀音。至于「聲母脫落」，其實就係懶音嘅一種具體表現，不過係懶音成「既定事實」之後，專家們安個名叫佢做「聲母脫落」，當成係一種語言現象嗟。懶音本身就係一種語言現象。

紫凤凰

懶音係指人語音不正，唸錯音韻，但係「聲母脫落」係屬於語言發展嘅正常現象，噉你唔通話入聲消失係漢語懶音，語言係發展變化嘅。

 

而而家人們一般所謂懶音係指人零聲母同鼻音聲母冇分清噉解，由於香港有一半並非原來以粵語為母語嘅人士，所以導致類似問題。另一個原因就係當年西關音曾經為廣州話標準音，而廣州話又係粵語標準音，而西關音由於地近南海，所以造成一種特殊嘅音韻。例如n/l不分，ng聲母同零聲母不分。

 

粵語除咗聲母脫落，重有韻母脫落，元音高化等發展現象。而爾啲現象可能並唔係粵語所獨有。例如入聲消失亦非普通話專利，典型嘅例子如「告」，原來只有入聲字，而如今粵語除咗喺忠告時有用到「告」原音外，其他時候都用gou，如「告訴」，或者「告到你甩褲」。

紫凤凰

人哋都冇講明係咩字典，你就咁快下判斷？！

xiss

原帖由 紫凤凰 於 2009-10-23 23:34 發表 懶音係指人語音不正，唸錯音韻，但係「聲母脫落」係屬於語言發展嘅正常現象，噉你唔通話入聲消失係漢語懶音，語言係發展變化嘅。   而而家人們一般所謂懶音係指人零聲母同鼻音聲母冇分清噉解，由於香港有一半並非原來以粵 ...

哈哈，究竟係語言現象定係懶音，從未有明確定義分開。

反正我知道，古人所謂聲母脫落，亦都係「未按正確讀音」所致，否則，音由人發出，如果個個讀音正確，豈有「聲母脫落」之說，難不成那天天光，眾人都突然決定不要這個聲母，造成「聲母脫落」？

又例如入聲消失，語言現象，歸根到底咪又係某啲人發唔準入聲，用其它語音誤打誤撞所致？

今日粵語之懶音，如果任其發展落去，好多好多年以後，未必後代不將其亦當作一種語言現象。

人哋都冇講明係咩字典，你就咁快下判斷？！

佢都冇話查「古字典」，推斷佢查嘅係現代字典，人之常情吧，畢竟我哋係現代人。而且，我查過「審音配字」，確系讀ham1，現代讀音啊？？

紫凤凰

算，你都重係死牛一面頸。噉我都費事對牛彈琴。

xiss

原帖由 紫凤凰 於 2009-10-24 11:14 發表 算，你都重係死牛一面頸。噉我都費事對牛彈琴。

你隨意出口傷人？？？
[ 本帖最後由 xiss 於 2009-10-24 13:02 編輯 ]

紫凤凰

你唔好話畀我聽你連「死牛一面頸」爾個粵語俗語都未聽過。

 

「對牛彈琴」爾個成語你唔係唔識嘛？！

xiss

原帖由 紫凤凰 於 2009-10-24 22:50 發表 你唔好話畀我聽你連「死牛一面頸」爾個粵語俗語都未聽過。   「對牛彈琴」爾個成語你唔係唔識嘛？！

噉係吖嘛，呢啲叫討論吖嘛，又唔係唔講得嘅，你唔贊成我噉講你咪講點解囉，何必講呢啲嘢

紫凤凰

反正講落去都係你都唔會認同我嘅說法，噉乾脆唔講。而且政治見解上你一向都係中間偏右，同我嘅中間偏左唔同。

xiss

原帖由 紫凤凰 於 2009-10-24 22:59 發表 反正講落去都係你都唔會認同我嘅說法，噉乾脆唔講。而且政治見解上你一向都係中間偏右，同我嘅中間偏左唔同。

錯！！我係啱啱好中間，真係一啲都冇偏，測試過就係噉樣喇，連我都估唔到我可以咁不偏不倚咖。唔好以為凡係支持民主嘅都係偏右至得咖～～

更何況，呢道只談語言，不談政治。
[ 本帖最後由 xiss 於 2009-10-25 10:13 編輯 ]

紫凤凰

你係咪中間我唔知，我只知道你啲言論同嗰啲「菁英」差唔多。

xiss

原帖由 紫凤凰 於 2009-10-25 21:34 發表 你係咪中間我唔知，我只知道你啲言論同嗰啲「菁英」差唔多。

哈？？边方面啊？唔通你系指我支持民主，认同西方民主呢方面？