關於「普通話是校園語言」

dimsum

普通話系校園語言，冇問題，普通話系校園語言，就好似校服校服，校園服裝甘解。問題系系咪著咗校園服裝，就唔俾著其他衫返學呢？ 

有人會話：「梗系啦，我地間學校吖，幾凍都唔準加外套架！如果有領導要黎，就連著冷衫都唔得。」
OK，不過，乜你唔使著底褲架？女士仲要加多件添啵。但系而家廣州既學校，香港我唔知，唔敢包，都凈聽過校衫校褲校鞋，冇聽過校底褲校Bra架！甘系咪全廣州既學生返學著出邊果件就得，唔使，啊，唔系唔使，系唔準，著底褲戴Bra呢？
我哋既母語就等於我哋最入面果件，系最緊要架！無著既話無論件恤衫燙到鬼甘平，對白飯魚洗到鬼甘白，都盞失禮死人。

依家有人同我哋講返學凈系準講「校園語言」普通話，唔俾講母語，即系叫我哋返學凈系準著恤衫、著西褲、著皮鞋又或者白飯魚、打呔，唔準著底褲戴Bra吖，點算？
睬你都傻，有傷風化！

 

PS：唔知系咪發系度，如果唔系，麻煩移動下啦。

紫凤凰

我唔知，但係喺我細個時候，剛學無耐普通話就已經識得捲舌兒化。而且鍾意普通話，嗰時普通話嘅推廣冇而家咁厲害。至於你所講嘅情況，其實喺國外嘅好多學校，尤其語言學校都有存在，其實目的就係想你學好普通話，無他。

 

普通話可以推廣，但並非以消滅方言為代價，此為目前公有前提。

dimsum

问题系而家既普通话推广已经比以前紧要左好多，系我读小学既时候，虽然一樣周圍都見到「學好普通話，寫好規範字」，但系D人睬你都傻，就連上語文堂老師都系用翻粵語（除非要讀書），果陣系學校、系班度都有北方學生，人數唔多，我哋同果D人講野就用普通話，其餘時間通通用粵語，而我哋呢班人既普通話一樣唔差，甚至我同幾個朋友都試過俾人當北方人，可見甘既語言環境已經好足夠。

而依家廣州既外地人已經比以前多左好多，就算唔系學校，都大把時間要用普通話，學校裡面既北方學生都越黎越多，就算凈系同北方學生講普通話，都比以前要講得多好多，更加唔使講依家D老師上堂講多幾多普通話！語文堂話得系百份百添！甘既語言環境仲唔夠？仲要我地系校全部講曬普通話？學生一日有幾多時間系學校大家都清楚（除非走堂……），系校外講普通話既機會又多咗甘多，我睇而家需要語言環境既，系另一種！