蟻竇

芬1012

有一種蟻，得一隻蟻后嘅唧，成竇蟻都係犋造出嚟嘅。（呢度唔講生，唔係生，係造）

 

呢隻蟻后好醒目，犋造出嚟啲蟻呢都係冇乜消化系統嗰啵，唔識得自己消化啲嘢食，而且冇意識、冇思想——係嘞，同個士巴拿參唔多。隻蟻后唔知啲蟻邊隻打邊隻，亦都唔知死咗幾多隻蟻，冇所謂，話之佢；啲蟻呢，一樣唔知自己係乜，為因冇思想咖嘛。

 

啲蟻好勤力好勤力噉出去搵食，不過都係本能噉、條件反射噉嘅嘢嚟嘅唧。

 

啲蟻搵到好多嘢食，不過自己又消化唔「倒」，唯有hambaanglaang拎返個竇度，喂畀隻蟻后食。隻蟻后亦都會屙番dit咁多液體畀啲蟻食，然後又唔停噉造啲蟻出嚟。隻蟻后越嚟越大，啲蟻亦都越嚟越多嘞。

 

而家啲蟻多到點樣呢？毛萬咁多，gong哂出嚟啊，嚇都嚇鬼死你啊；重好鬼死惡添，大笨象都冇得剩啊。

 

而家想問吓咁多位嘞，呢竇蟻查實有幾多隻蟻嘅呢？

 

 

粵嚟粵掂

好耐冇見芬記啲大作，典型芬記式嘅寓言古仔。

粵嚟粵掂

應該係：而家啲蟻仲多到gong哂落嚟，嚇都嚇鬼死你，仲好鬼死惡添。