再论小朋友好「曳」个「曳」字

neolite

我已经睇过之前关于「曳」本字嘅讨论了，但似乎重未搵到答案。但近排又恁咗恁尔个问题，怀疑「曳」就係「逸」。

 

首先要解决係读音问题啦，因为似乎「逸（jat6）」同「曳（jai5）」读音差好远。其实并不然，大家都知道粤语表示不要意思嘅「咪（mai5）」其实就係「勿（mat6）」。所以「逸」喺粤语里头读成「曳」都唔出奇。推出可能性。

 

跟著係字义问题。康熙字典里面「逸」嘅解释：【廣韻】失也，過也。【書·盤庚】予亦拙謀作乃逸。【註】過失也。　又【廣韻】奔也，縱也。（縱，恣也，放也，亂也。）即唔受约束，唔受管制。同「曳」意思吻合。推出必要性。

 

综上所述，所以有理由相信「逸」或者「失（弋質切，與逸同）」係正确写法。

[ 本帖最後由 neolite 於 2009-10-6 19:02 編輯 ]

芬1012

唔係「小朋友」，係「細路」。

neolite

你咁讲我都明，不过係「細孥」卦

芬1012

話之你「細路」、「細孥」，總之就唔係「小朋友」。

jun2982804

原帖由 neolite 於 2009-10-6 18:59 發表 我已经睇过之前关于「曳」本字嘅讨论了，但似乎重未搵到答案。但近排又恁咗恁尔个问题，怀疑「曳」就係「逸」。   首先要解决係读音问题啦，因为似乎「逸（jat6）」同「曳（jai5）」读音差好远。其实并不然，大家都知道粤语表示 ...

非常支持喱种由义,音2个角度出发考虑粤语正字嘅做法,好过专去揾啲生僻字嚟做我哋粤字嘅正字喇