馬票

李四

前兩日新聞報導港大授名譽院士與宿舍老員工三嫂，三嫂同記者講開心過中『馬票』（音『馬標』），但係無線新聞記者聽音就打成『馬標』。唔通依家記者連乜係『馬票』都唔知，未聽過？

僆仔

買嘅係票，中嘅就係『標』。

李四

明報：
馬會印咗250萬張紀念馬票，每張20蚊，10款一套系列賣200蚊，全套精裝版就要400大元。呢啲紀念馬票除咗用嚟收藏之外，原來真係可以令人發達，因為每款馬票都附有抽獎券，有機會參加喺11月15日沙田馬場舉行嘅125周年紀念馬票大抽獎，頭獎可得約值1250萬元嘅金條！

唔通馬會聽到三嫂講馬票？十月二日開始發售，大家記住買下玩就算，唔好訓身落去呀！
今朝聽商業電台主持朱薰（出版過著作《正音功》，向讀者教授粵語正音）將馬票個票講成『票據』個『票』（即漂白個『漂』音）。原來後生仔女真係唔識馬票係乜！

billyjok

我聽到也不禁搖頭