澳洲悉尼沙塵暴[有相]

daydreaminghoyi

一直以為沙塵暴係內陸先有, 點知今次居然比我見識到喇...

 

前晚仲好地地就係落左場雨, 窗都淨係齋閂冇鎖到。尋日朝早五點就捱嘈醒左, 個窗砰砰聲咁響。哇, 望出去除左紅紅橙橙乜都睇唔到。超似日落, 但明明又係朝早喎, 當堂呆左一呆。跟住都冇諗咁多, 鎖好窗繼續大覺瞓---會周公要緊!

 

七點鐘醒, 個人清醒左d喇。走出後園仲係成個橙色世界咁, 總算意識到咩事---沙塵暴啊~!八點鐘出門個天光少少咁啦, 但都仲係土黃色又矇查查喎。一路簡直係難以呼吸, 跑做返學。

 

(新聞相)

 

 

室內閂門閂窗都好焗, 上堂第一件事就係抹檯, 一抹張紙就變晒啡紅色喇。

 

 

 

十點半影既, 操場唔比停留所以冇咩人。全部人留係室內小息同午膳。

 

 

 

三點, 個天藍番喇

 

 

余OK

　　另一位駐雪梨大使冇咗聲氣。

daydreaminghoyi

msn見佢
佢話似世界末日喎

desmond

無事。好平安。
唔知有冇北京沙塵暴咁犀利？
我第一次見，似世界末日加住喺火星。

余OK

　　重有一位駐雪大使九世紀冇浮頭，莫非嗰日去咗火星勘探未返？