哀求的「ngai1」字點寫？

小狼

「ngai1人」嘅「ngai」字
「o偽」？「囈」？定係點寫？

黄百万

用個   哀  就搞掂，唔使搞咁多嘢。

 

不過聲調唔系平聲，系高降

 

 

neolite

ngai就係哀囉，你恁下「来」loi点变成「黎」lai就知道，ngai就係ngoi啦

嶺南散人

原帖由 neolite 於 2009-9-19 22:23 發表 ngai就係哀囉，你恁下「来」loi点变成「黎」lai就知道，ngai就係ngoi啦

「哀」係零聲母，勿係[ng]聲母。

neolite

樓上所言甚是，不過零聲母同疑母（ng）嘅關係好密切，所以就算「哀」係零聲母，都唔妨礙「哀」變讀成（ng）ai。都係因爲粵語無系統嘅教育，所以單憑口語聽力，係好難保證粵語規範。所以粵語都比較多嘅音轉問題，難免令到一部分人鍾意用「同音字」代替正字。

嶺南散人

原帖由 neolite 於 2009-9-21 09:11 發表 樓上所言甚是，不過零聲母同疑母（ng）嘅關係好密切，所以就算「哀」係零聲母，都唔妨礙「哀」變讀成（ng）ai。都係因爲粵語無系統嘅教育，所以單憑口語聽力，係好難保證粵語規範。所以粵語都比較多嘅音轉問題，難免令到一部分人鍾意用「 ...

四邑話亦有「ngai」該箇詞彙，但係向四邑話瓦頭零聲母同[ng]聲母係涇渭分明、不容混淆箇，所以我認爲還係應該另覓他字較爲合適。

僆仔

原帖由 小狼 於 2009-9-19 15:26 發表 「ngai1人」嘅「ngai」字「o偽」？「囈」？定係點寫？

人怕囈，米怕篩。

neolite

首先，端正態度，究竟係求字定求音。求音，直接ngai，或者「囈」代替，ok。

 

但我認爲「哀」已經表達到ngai嘅意思，再加之oi可以變成ai，反正都係變了，前面加上疑母ng有咩所謂？

 

讀音嘅也，好主觀。好似，你話「草」點可以表示「娶」嘅意思，「新婦」點會讀成「心（新）抱」，「而今」點會讀「而家」等。所以，我就話「音」唔係萬能嘅，「音」成日可以變，每個地方都有每個地方嘅方言，每個朝代有每個朝代嘅官話，但字義基本無點變。

 

所以如果追求讀音嘅，大可以仿照韓日，要麽，全盤否定，自立門戶；要麽，只保留一部分，訓讀分區。