花生「依」個「依」字正字係乜？

紮那魯剛多

花生「依」個「依」字正字係乜？

xiss

花生yi個yi，好簡單嗟，咪就係「衣」囉。「花生衣」囉，本身呢個就係慣用嘅科學名詞嚟咖啦。
[ 本帖最後由 xiss 於 2009-9-11 11:00 編輯 ]

UngooChan

花生衣，糖衣，衣紙……

neolite

回二樓：

「呢個」個「呢」係「爾（尓）」，古音同「你」，【集韻】乃禮切，音禰。

尓，那。

尔夜风恬月朗。——《世说新语》

尓，此也。

问君何能尔。——晋· 陶渊明《饮酒》

同粵語個「呢」一樣，都可以表示this、that。

 

「依」就更加唔使講，「而家」「依家」，所以「依」就係「而」，「家」係「今」音變。同樣情况都出現喺「今陣（家陣）」、「今下（家下）」

而，此。

同是被逼迫,君而妾亦然。——《玉台新咏·古诗为焦仲卿妻作》

 

「呢」同「依」好似一樣，但其實係兩個唔同嘅字。而今普通話嘅「尓」、「而」，讀嘅都係er，唔同聲調嗻，喺好多情况下都同粵語一樣，可以互換。好似：而今——尓今；而日——尓日；而翁——尓翁；而后——尓后。

紮那魯剛多

原帖由 xiss 於 2009-9-10 21:56 發表 花生yi個yi，好簡單嗟，咪就係「衣」囉。「花生衣」囉，本身呢個就係慣用嘅科學名詞嚟咖啦。

音唔同

xiss

原帖由 neolite 於 2009-9-11 08:32 發表

回二樓：

「呢個」個「呢」係「爾（尓）」，古音同「你」，【集韻】乃禮切，音禰。

尓，那。

尔夜风恬月朗。——《世说新语》

尓，此也。

问君何能尔。——晋· 陶渊明《饮酒》

同粵語個「呢」一樣，都可以表示this、that。

 

「依」就更加唔使講，「而家」「依家」，所以「依」就係「而」，「家」係「今」音變。同樣情况都出現喺「今陣（家陣）」、「今下（家下）」

而，此。

同是被逼迫,君而妾亦然。——《玉台新咏·古诗为焦仲卿妻作》

 

「呢」同「依」好似一樣，但其實係兩個唔同嘅字。而今普通話嘅「尓」、「而」，讀嘅都係er，唔同聲調嗻，喺好多情况下都同粵語一樣，可以互換。好似：而今——尓今；而日——尓日；而翁——尓翁；而后——尓后。

其實，我原先二樓嘅回答係睇錯咗樓主所問嘅問題嗟，宜家已經更正。
至于你所提嘅「依」「呢」通用，個人感覺有點不妥。
首先，「而」「爾」的確喺古漢語中同樣有指代第二人稱嘅意思，不過問題就係

粵語嘅「呢」同「依」真係分別源自「爾」同「而」咩？？

我記得，「呢個」嘅「呢」字嘅起源好似好大爭議，比較公認嘅係，「呢」字並非起源于古漢語，而係古狀語殘留喺粵語里面嘅語言痕跡。

而且，從意思上推斷就知道嘞，「依」「呢」（我個人覺得「依」係「呢」嘅音變）喺粵語里面都唔係指代第二人稱，而係指代「這里」（粵語嘅呢好似唔能夠指代「那里」，「那里」係用到「嗰 go2」字）。而古漢語中，僅有「爾」字有「這里」的用法，而「而」就冇呢種用法，因此，「呢」「依」就算真係源自古漢語，亦都應該源自「爾」。

而正如你所講，「爾」古音「你」，因而，即使從古漢語反推，粵語中嘅表「這里」嘅指示代詞嘅正確發音亦都應該係「呢 nei1」，而「依」、「ei1」呢類發音都係再由「呢」嘅發音演變過嚟嘅「異讀音」。

xiss

原帖由 紮那魯剛多 於 2009-9-11 11:03 發表 音唔同

唔同？？

「花生 yi1」同「衣服」嘅「衣」唔係都係讀「yi1」咩？？？！！！

neolite

你話係「爾」就「爾」囉，反正而今國語兩個字喺「這」爾個意思都通用。都係為區分有無鼻音嗻。有「而」就唔存在咩「異讀」啦。無論從普通話定係粵語，兩個字都咁似，就好似我地而今咁，「依」「呢」都無咩分別，咁就講明咸魚白飯各有所好嗻。

xiss

原帖由 neolite 於 2009-9-11 11:47 發表 你話係「爾」就「爾」囉，反正而今國語兩個字喺「這」爾個意思都通用。都係為區分有無鼻音嗻。有「而」就唔存在咩「異讀」啦。無論從普通話定係粵語，兩個字都咁似，就好似我地而今咁，「依」「呢」都無咩分別，咁就講明咸魚白 ...

「而」我始終都諗唔明點解你話佢有「這」嘅意思，我查過古漢語詞典、現代漢語詞典，都揾唔到「這」呢個意思。
反而係「爾」就古今都有「這」嘅意思。
所以我就堅持，「呢」音先係正讀，「依」實質係「呢」嘅異讀。

其實你都可以發現，「依」出現嘅場合其實就係「呢」出現嘅場合，只不過係讀音上「懶惰」一下所造成，廣州市內大部分人都係讀「呢」，只有少部分人用「依」呢個音，就可以知道，其實「依」呢個音係源自「呢」嘅音變。

而且，粵語里面表示「這」我見過有 nei ni yi ei i 呢五個音，單單從語音上面嚟到睇，就可以發現其實四個音都係源自nei呢個音，只不過係由于音變造成另外四個異讀音。因為你可以發現，另外四個異讀音嘅音變方式都有規律可循，就係簡化，要不就係從ei韻變為i，要不就係省略聲母或者變為近乎零聲母嘅y。互相組合，就出現咗，韻母變化嘅ni yi系，變為零聲母嘅ei i係，其實，粵語由于缺乏標準化教學，一啲常用詞匯而又冇么嘢固定書面語嘅詞匯最容易出現變化，就好似nei，就出現咗ni yi ei i四個異讀音。你認真留意下，就會發現其實呢四個異讀音同原讀音Nei之間都有住一啲聯系以及規律，唯有從音韻變化上分析，先可能分析到點解會出現另外呢四個表示「這」嘅音。

所以我覺得，「依」嘅出現，其實只係「呢」嘅異讀。

neolite

好欣賞你嘅執著同堅持，不過「衣家」就無「呢家」嘅講法，可見，「衣」有佢一席之位。我上面已經舉過例子，同是被逼迫,君而妾亦然。——《玉台新咏·古诗为焦仲卿妻作》。你查漢典都可以查到有this嘅解釋。

重有，就係詞組：

「而今」就係「這今、如今」；

「而夫」就係這人、此人。《庄子·列御寇》：「如而夫者，一命而吕鉅，而命而於车上儛，三命而名诸父。」 ；

「而後」就係「從這（此）以後」……

 

你係要覺得「衣」係「呢」變過來嘅，我都無辦法。不過，有句話都几有道理，喺度同你分享下：人的眼睛總是看到他想看的東西。我都有所體會，期望畀到啓發你。

xiss

原帖由 neolite 於 2009-9-11 20:55 發表 好欣賞你嘅執著同堅持，不過「衣家」就無「呢家」嘅講法，可見，「衣」有佢一席之位。我上面已經舉過例子，同是被逼迫,君而妾亦然。——《玉台新咏·古诗为焦仲卿妻作》。你查漢典都可以查到有this嘅解釋。重有，就係詞組：「 ...

你可能比较习惯说依家吧。其实，呢家的讲法是很普遍的，我都时时讲以及听到人哋讲，唔知点解你未听过嘞。

除咗呢家，我重会讲「呢家嘢」