si3 正

highyun

我原来一直以为写“肆正”，今日睇咗篇论文，话系“四正”。“四”古读si3，“四正”呢种写法非常有道理。

余OK

用我鄉下話嚟讀就唔存在呢個問題嘞。。。

NGF

highyun在2005-12-03 18:49:06說道：[br]我原来一直以为写“肆正”，今日睇咗篇论文，话系“四正”。“四”古读si3，“四正”呢种写法非常有道理。

好似話以前西關話叫妹仔都係叫“啊四si3”。唔知有無記錯。。

jumpsey

壹貳叁肆伍陸(定係陆？)柒捌玖拾 四正、肆正應該唔係問題啊。

Anl

大寫嘅“肆”其實係貪個音嘅啫。我覺得眞係冇道理將個“肆”解釋爲“四”。 陸係指陸地，同數字個“六”根本冇關，又係純粹借個音，用普通話讀就連個音都唔啱添。 四正、四圍都係有時廣州人都會讀成si3

dada

嗰篇論文點解釋「四正」﹖

highyun

篇论文系关于语音嘅变迁嘅，话元音复化，由i变ei嘅现象，然后顺带举呢个词做例，证明“四”以前系读si3嘅。

Yucky豕

噉有冇話[死]以前讀[屎]㗎?~ 又諗起某人講[屎冇屎]𠻹!~~

NGF

yucky豕在2005-12-05 21:08:16說道：[br]噉有冇話[死]以前讀[屎]㗎?~ 又諗起某人講[屎冇屎]𠻹!~~

凈係知有人講過“冇屎啦”，不過唔係唔係以前有個噤嘅音。。。

Anl

ngf在2005-12-05 21:29:47說道：[br]凈係知有人講過“冇屎啦”，不過唔係唔係以前有個噤嘅音。。。

又“噤”。究竟你識唔識分“噉”同“咁”o架？

dada

yucky豕在2005-12-05 21:08:16說道： 噉有冇話[死]以前讀[屎]㗎?~

唔使問以前﹐我就係「死」、「屎」都讀si2。

highyun

dada在2005-12-06 02:29:19說道：[br][quote]yucky豕在2005-12-05 21:08:16說道： 噉有冇話[死]以前讀[屎]㗎?~

唔使問以前﹐我就係「死」、「屎」都讀si2。[/quote] 因为你而家讲嘅粤语，已经系旧底嘅粤语，同现时广府人讲嘅话已经有分别架喇。

Kathy

哈哈~即dada係活化石

dada

哈哈﹐我有個好朋友重話我係古老石山添。 兩三年前﹐我以為淨非洲某地方嘅人先正有我地嘅鄉音。加上我哋冇乜機會讀中文﹐好多人連小學程度都冇﹐形成好重嘅自卑感。 其實﹐第一﹐佛山、順德一帶都重有啲我哋嘅鄉音。第二﹐有鄉音就有鄉音﹐點解要怕人笑﹖重有﹐好多廣府話讀f聲母嘅字﹐我哋都讀p聲母﹐呢啲係鄉音﹐亦都係古音﹐更加唔使怕人笑。 至於詞彙﹐我哋可能保留咗啲古漢詞。例如廣府話嘅「鬧」其實淨係嘈﹐我哋嘅「怒」先正有譴責嘅意思。同時呢個字古色古香﹕ 《國語辭典》﹕「怒﹐譴責。韓非子．五蠹：『今有不才之子，父母怒之弗為改。』禮記．內則：『姑教之，若不可教而後怒之。』鄭玄．注：『怒，譴責也。』」 楊雄《方言》﹕「故傳曰：『慈母之怒子也，雖折葼笞之，其惠存焉。』」

superjill

由si3到sei3嘅音变 令我谂起啲煲冬瓜人好惯性将英文“c”读成“sei” …… …… ……

Anl

dada在2005-12-06 17:42:07說道：[br] 至於詞彙﹐我哋可能保留咗啲古漢詞。例如廣府話嘅「鬧」其實淨係嘈﹐我哋嘅「怒」先正有譴責嘅意思。同時呢個字古色古香﹕

我亞媽鄉下話(新會)都係噉講。 得閒嚟鬧啦。去哪鬧？-->鬧(laau4)，玩。哪(nai5) 唔聽話亞媽怒o架!-->聽(heiang3)。怒(nou6)，譴責。

highyun

“唔聽話亞媽怒o架!-->聽(heiang3)。怒(nou6)，譴責。” 噉睇法我觉得呢个“怒”似“嬲”多啲喎，而且都系angry噉解。

NGF

anl在2005-12-07 01:32:57說道：我亞媽鄉下話(新會)都係噉講。 得閒嚟鬧啦。去哪鬧？-->鬧(laau4)，玩。哪(nai5)

呢句嘢我第一次听。。。。不过都几得意啵。。。

dada

「怒」當然有「嬲」嘅意思﹐但唔係「嬲」。廣府話有「鬧」同「嬲」﹐我哋有「怒」同「嬲」。

余OK

讚同dada，我相信順德話比廣州話更古老，哈哈。。。