關于正字與造字

ozr303

 近排好多人講正字，我有感而發，我地粵文字嘅正字大多數都可以追索，而粵語造字起源于香港遍及廣東地區，大家有無諗過粵語造字會令我地粵語貌似脫離漢語，我個人認為粵語寫返正字比較好啲，但又唔同現今嘅中文，畢竟現今中文係自五四運動後以北方白話文為基礎，而我地粵語如果用返正字，以粵語保留嘅古漢語詞匯，反而覺得比現今白話文更正宗。但又有人認為粵語文字可以更好保留粵語嘅獨特發音，我個人認為祗要我地編輯好一套完整嘅正字後，再以粵語注音，相信粵語嘅影響力會相當之大。唔知各位有乜睇法，歡迎討論

嶺南散人

最緊要正字

僆仔

原帖由 ozr303 於 2009-9-3 01:20 發表  近排好多人講正字，我有感而發，我地粵文字嘅正字大多數都可以追索，而粵語造字起源于香港遍及廣東地區，大家有無諗過粵語造字會令我地粵語貌似脫離漢語，我個人認為粵語寫返正字比較好啲，但又唔同現今嘅中文，畢竟現今中文 ...

 

有正字，就無錯意。舉個例：冤豬頭与蔫豬頭。冤係冤枉個冤，蔫係蔫臭個蔫。

penjoe

正字喺固然要噶，我都支持啊！不過真喺就比較難定啦。因為現今噶好多粵字表達都喺據發音而定噶。唔同地區噶粵方言有唔同噶發音，就有咗唔同噶寫法啦~究竟正字喺邊個？正咗出嚟又點推廣？學習噶難度有幾大？等等都喺要深思熟慮噶問題啊~~

攸固

只靠音死庚,人只會越寫越亂.
人系要識文字與意,而用正字.

粵語絕對不是只靠音,有不少文字有本字.
出題者對粵語認識不大.
例如:俾之本文是畀.
[ 本帖最後由 攸固 於 2009-9-5 14:10 編輯 ]

kofsfans04

我一直以為我哋講所有嘅粵語，都有佢對應嘅正字，只不過有啲我哋唔識寫，或者個個字已經失傳咗，唔知係係唔呢。

海峰可以打幾萬漢字，大概已經包曬啲粵字啦呱。

外外星人

樓主有少少會錯意，正字唔等於本字。字，本嚟就唔係寫畀我哋啲粵人睇嘅，粵語分分鐘亦唔係跟著書面語嚟講嘅。故此，有得跟字就跟，冇嘅，自己造又有乜唔妥？！