‘譯’和‘顧’到底點拼啊？

milk

我喺嗰邊查到嘅係譯--jik,顧--gu,但係有位香港嘅朋友話畀我知係譯--yik,顧--koo, 所以，我都搞唔清楚到底邊种拼法係正確嘅，麻煩各位告知啦！ 因爲我都唔係廣東人，我係上海人嚟嘅，但我對粵語都幾有興趣喎，好高興可以加入呢度，多多指教拉，打的唔好，仲要多多包含啦，唔好意思拉！！！

desmond

milk在2005-11-21 20:30:07說道：[br]我喺嗰邊查到嘅係譯--jik,顧--gu,但係有位香港嘅朋友話畀我知係譯--yik,顧--koo, 所以，我都搞唔清楚到底邊种拼法係正確嘅，麻煩各位告知啦！ 因爲我都唔係廣東人，我係上海人嚟嘅，但我對粵語都幾有興趣喎，好高興可以加入呢度，多多指教拉，打的唔好，仲要多多包含啦，唔好意思拉！！！

粵語協會網站嘅漢字字典所標嘅粵音係採用《香港語言學學會粵語拼音方案》，呢個方案較為健全同通用，而且方便電腦處理，所以比較適合粵語學習。更詳細嘅介紹可以去呢度睇︰http://cantonese.asia/school/canbasic/jyutping_ma.asp 根據《香港語言學學會粵語拼音方案》︰譯(jik)、顧(gu) 而你嘅香港朋友講畀你聽︰譯(yik)、顧(koo)。咁係因為香港嘅人名呀、地名呀、等等用緊嘅粵語拼音係《香港政府粵語拼音》，佢係按照英文發音慣例嚟拼嘅，不過比較雜亂無章。詳細介紹可以喺呢度搵到 http://en.wikipedia.org/wiki/hong_kong_government_cantonese_romanisation 粵語協會網站推薦嘅《香港語言學學會粵語拼音方案》能夠準確標注粵語發音，適合粵語學習。

豬豬奶茶

打得都好好,祇要修正「打的(得)好好,仲(重)要多多包含(涵),唔好意思啦(拉)」就已經好標準