香港運輸署漏眼粗口車牌照拍賣！:D

丹尼王子

25-8-2009

 

香港《東方日報》

 

運署漏眼粗口車牌照拍賣

 

運輸署上周六舉行自訂車牌拍賣，竟「走漏眼」推出兩個粗口諧音車牌，分別為諧音「濕×仔」的「19 BOY」及諧音「U asshole」的「U S HO」供競投，令人質疑運輸署評審車牌的申請時未做好「把關」工作。有售賣車牌的業界更形容事件是對評審工作帶來一大衝擊。

 

運輸署上周六共拍賣二百三十五個自訂車牌，可雙行排列的「19 BOY」車牌最後未能賣出，根據規定會分配予申請人，申請人繳付的五千元按金作為有關費用；「U S HO」車牌則以底價五千元出售。

 

運署評審捱轟

 

出席拍賣的王先生發現運輸署竟推出兩個粗口諧音的車牌，感到不滿，質疑評審準則，「之前有人欲以性商品的名稱申請自訂車牌但最後遭拒絕，依家粗口諧音車牌又得，運輸署要好好檢討。」

 

優質幸運車牌中心董事顏文翰表示，事件對運輸署評審自訂車牌工作的帶來衝擊及考驗。他指粗口諧音車牌欠缺市場，「點會將個粗口掛喺自己架車度，即係話自己﹗」

 

運輸署回應指，上述兩個車牌號碼組合申請是按照法例的審批準則進行。署長已就有關組合可能帶有包括粗俗俚語和中文解釋等含意、香港是以中國人為主的社會、表達意見的自由以及「在客觀和合理基礎上符合現行的雅俗準則」兩者之間取得平衡下，決定接納有關申請。

 

■讀者Ronald王爆料ireport_00020463

丹尼王子

隔牆有耳：隱形粗口車牌偷雞過關

 

政府推出自訂車牌呢壇嘢差唔多成三年，由於運輸署規定，車牌唔可以令人反感，亦唔可以帶有品味低俗或不雅含意，所以咁耐以嚟，都好少見有出位車牌拎出嚟拍賣，但最近有市民成功突圍，自訂疑似粗口諧音嘅車牌，仲成功通過運輸署審核，推出拍賣。

 

同樣以 5000元到手

 

喺啱啱過去嘅星期六自訂車牌拍賣會上，出現咗兩個蠱惑車牌，一個係「 19 B0Y」，一個係「 U S H0」。喺現場嘅讀者 Ronald同八方講，前者疑似廣東話粗口「濕 X仔」，後者好似洋人罵人"You asshole"。但由於自訂車牌唔准有英文字 I、 O、 Q，以免混淆數目字 1同 0，所以拍賣官讀出個牌時，只係講 1、 9、 B、 0（零）、 Y，台下冇人識笑。

運輸署資料顯示，「 19 B0Y」喺拍賣會上未能售出，所以收特別費用 5,000蚊分配番畀申請人。「 U S H0」就有人用底價 5,000蚊投到，冇人爭，極可能係申請人自己投番。 Ronald話：「市民申請自訂車牌時，運輸署呢樣唔得，嗰樣唔得，但粗口車牌竟然都得。」

不過，優質幸運車牌中心董事顏文翰話：「真係各花入各眼，係咪粗口睇你個腦平時諗乜嘢。」佢話，呢兩個車牌只算踩界，「 19 B0Y」可以係 19歲仔，「 U S H0」可以係姓何人士嘅英文名縮寫。反而佢接過一宗更明目張膽嘅個案，「有個後生仔客叫我幫佢申請自訂車牌『 0N 99』，我話實唔批，佢都要試。」最終運輸署真係話個牌品味低俗，唔批。

顏生話，其實大部份車主都唔會申請粗口諧音車牌，以免有失身份，「而且掛喺架車度，咪好似鬧自己係『濕 X仔』？」佢又話，近排經濟好番啲，除咗自訂車牌，傳統車牌生意都幾好，佢最近有個「 AA8XX」賣咗成十幾萬，比上次 AA牌貴五成。

 

運輸署商議後接納

 

運輸署就回應八方話，署長審批「 19 B0Y」同「 U S H0」時，已經徵詢其他部門同審核委員會意見，署長講明該兩個組合可能帶有特別含意，包括粗俗俚語同中文解釋等，結果大家喺平衡各方面下，決定接納呢兩個申請。

 

pf_lee@appledaily.com