隔牆有耳：卿姐等到中聯辦回信！

丹尼王子

21-9-2009

 

香港《蘋果日報》

 

隔牆有耳：卿姐(劉恵卿)等到中聯辦回信

 

中聯辦同卿姐一向冇來往，但彭清華上場做主任後有變。過往卿姐去信中聯辦統統石沉大海，但佢日前去信彭清華，要求徹查成都公安屈港記藏毒，四日後竟然收到中聯辦回覆。

回信由中聯辦信訪處而非彭主任發出，但西環破天荒回信，卿姐認為係一大突破，而且上款仲寫「尊敬的劉女士」，並稱已經將卿姐要求轉告內地部門，態度相當友善；不過卿姐未有沾沾自喜，表明會繼續要求中聯辦跟進，唔可以令港記含寃莫白。

話就話中聯辦釋出善意咁款，但建制派仍然對卿姐咬牙切齒，唔少人對佢舊年贏咗立法會財委會主席個得戚樣歷歷在目，好想報仇。卿姐則聲言無敵是最寂寞，如果冇競爭簡直會瞓唔着覺喎，好希望有人挑戰佢咁話，甚至提議財委會副主席劉秀成放馬過來！

 

李八方

 

 

 (香港西環係中聯辦位於の地区)

[ 本帖最後由 丹尼王子 於 2009-8-21 23:54 編輯 ]