“炒虾拆蟹”定系“炒虾擦蟹”？

highyun

你哋有冇听过呢个词？

余OK

個人認爲係「炒蝦涮蟹」，從北方一道菜式「涮羊肉」聯想到嘅，「涮」音刷，唔知啱唔啱。。。

dada

我自己講「拆」。「涮」比較有意思﹐但佢冇拆/擦音。

highyun

呢个词点样引申到表示好“㷫[hing3]”嘅意思呢？如果理解为“大吵大闹”就好合适。

dada

我以為「炒蝦拆蟹」淨係表示「炒蝦」﹐即係講粗口。原來佢有「㷫」嘅意思﹖ 「炒蝦」又點解表示講粗口呢﹖

highyun

[炒蝦拆蟹] 系表示嘈，但唔知点解我听人讲呢个词嘅时候通常都系指因为“㷫[hing3]”而大吵大闹（当然唔少得讲粗口啦）。 至于“炒蝦”系咪表示粗口我就唔知喇。

dada

喺我哋嗰度﹐「炒蝦」唯一嘅意思係講粗口﹐唔係嘈﹐又唔係嗌交。「拆蟹」冇意思﹐要嚟陪襯啫。 當然﹐吵到「㷫」﹐好多時會出粗口。不過﹐根據我哋用法﹐如果「炒蝦」有「㷫」嘅意思﹐係為粗口而「㷫」﹐唔係相反。

highyun

dada在2005-11-16 15:10:14說道：[br]喺我哋嗰度﹐「炒蝦」唯一嘅意思係講粗口﹐唔係嘈﹐又唔係嗌交。「拆蟹」冇意思﹐要嚟陪襯啫。 當然﹐吵到「㷫」﹐好多時會出粗口。不過﹐根據我哋用法﹐如果「炒蝦」有「㷫」嘅意思﹐係為粗口而「㷫」﹐唔係相反。

噉讲法，"炒蝦"嘅发音又的确几似某个粗口嘅，不过我所接触嘅用法系某个（或几个）人由于好「㷫」先会向其它人“炒虾擦蟹”以发泄心中不满。

dada

除咗我哋﹐應該有第啲人解釋「炒蝦拆蟹」為粗口嘅。 廣州話粗口研究網　第2章　粗口的定義 廣州話的髒話稱為「粗口」，說髒話是「講粗口」，形容愛說髒話是說某人「爛口」或「粗口爛舌」。此外，「爆粗」、「講三字經」、「問候別人母親」、「炒蝦拆蟹」、「媽」、「媽叉」、「媽媽聲」等均指說髒話。