淺談借字

ozr303

大家都知道粵語文字其實係借字，就好似「嘅」字源于「忌」字，「嚟」字源于「來」字等等好多，只係一字多音，好比「行」字，可以讀作「銀行」個行，又可以讀作「行街」個行字。所以我有個問題想請交大家，點解我地又唔用返本字而用 借字，一個字本嚟就有幾種讀音，何必用借字哩？細佬我才疏學淺請賜教

普君南拆遷居民

中國古代最初都係得幾百個字，好多字都係借下借下噉創造出嚟嘅，如果按你噉講，用返嗰幾百個字就夠數啦。

ozr303

有道理，不過漢字都係有佢嘅意思噃，就好似簡體字同繁體字，簡化後就無咗本意，同樣借字又好似無本字咁有根據

芬1012

原帖由 ozr303 於 2009-8-5 01:17 發表 有道理，不過漢字都係有佢嘅意思噃，就好似簡體字同繁體字，簡化後就無咗本意，同樣借字又好似無本字咁有根據

 

個「忌」係心字底，好明顯係「忌讳」，同個「嘅」又有乜naalang呢？又有乜根據呢？

外外星人

原帖由 ozr303 於 2009-8-4 15:41 發表 大家都知道粵語文字其實係借字，就好似「嘅」字源于「忌」字，「嚟」字源于「來」字等等好多，只係一字多音，好比「行」字，可以讀作「銀行」個行，又可以讀作「行街」個行字。所以我有個問題想請交大家，點解我地又唔用返本字而用 ...

你既然噉講，個標題改埋都得啦！

借字，唔係本字。

嗰個「忌」字點睇都唔似「嘅」字，重有個「渠」字，冇理由係「佢」囉！

古人通假字多，亦即係話，錯字多！

而家啲學生寫通假字就唔得，一樣當錯字！

外外星人

原帖由 ozr303 於 2009-8-5 01:17 發表 有道理，不過漢字都係有佢嘅意思噃，就好似簡體字同繁體字，簡化後就無咗本意，同樣借字又好似無本字咁有根據

呢個詞都係錯嘅！第日我至講。

bajatvj

原帖由 外外星人 於 2009-8-12 01:59 AM 發表 呢個詞都係錯嘅！第日我至講。

呢個係正字的問題，各個時期的正字都不同，不可一概而論