得唔得完全唔用「可以」？

neo

有人話以前嘅廣州話唔講「可以」。我發覺好多時用「得」就得，但有時又好似唔得。可能「可以」經已深入民心啦。廣州話詞彙唔知幾時開始就普通話化，音調就冇乜改變 嘅。有時我發覺自己真係執著，為乜呢？

唔三唔四蠢魚

「得」有啲似北方人讲嘅「行」，虽然干脆，但感觉唔够婉转。
「唔得」（不行）就更加明显，带有断然拒绝嘅口吻。
而「唔可以」（不可以）带有劝吁嘅口吻，感觉显得温和好多。

xiss

姑且不論「可以」是否源自「普通話」，我哋都冇理由唔用佢：
粵語以包容著稱，冇必要排斥其它語言嘅詞匯，以我為主，為我所用一向都係粵語包容萬物嘅強項，亦都係佢始終保持旺盛生命力嘅法寶。
而且，多一個「可以」嘅表達法，使得同一種意思有兩種表達，「得」同「可以」，反映咗一種語言詞匯量嘅豐富。一種語言優秀與否，其中一個考量因素就係睇佢嘅詞匯量豐富唔豐富。

所以，我哋應該兩者兼容，無須過于考究，一定要用某個去取代另一個。

芬1012

係你哋唔識講至啩。

xiss

原帖由 芬1012 於 2009-7-29 00:26 發表 係你哋唔識講至啩。

唔通你可以完全唔用「可以」呢個詞？
示范下啦

newer

「可以」都唔算撈，「能夠」先夠撈。

外外星人

原帖由 neo 於 2009-7-28 21:05 發表 有人話以前嘅廣州話唔講「可以」。我發覺好多時用「得」就得，但有時又好似唔得。可能「可以」經已深入民心啦。廣州話詞彙唔知幾時開始就普通話化，音調就冇乜改變 嘅。有時我發覺自己真係執著，為乜呢？ ...

寫就實得！ 講就要諗過先。

留意我近期寫嘅帖，Hambaanglaang冇「可以」都得！

外外星人

原帖由 唔三唔四蠢魚 於 2009-7-28 21:34 發表 「得」有啲似北方人讲嘅「行」，虽然干脆，但感觉唔够婉转。「唔得」（不行）就更加明显，带有断然拒绝嘅口吻。而「唔可以」（不可以）带有劝吁嘅口吻，感觉显得温和好多。 ...

公将鼓之。刿曰：「未可。」齐人三鼓。刿曰：「可矣。」齐师败绩。公将驰之。刿曰：「未可。」下,视其辙，登轼而望之，曰：「可矣。」遂逐齐师。

UngooChan

完全唔用「可以」就得，不過完全用「得」代替「可以」就唔得，要用埋其它輔助嘅句式同詞彙先得。

外外星人

原帖由 UngooChan 於 2009-7-30 21:06 發表 完全唔用「可以」就得，不過完全用「得」代替「可以」就唔得，要用埋其它輔助嘅句式同詞彙先得。

舉例嚟試下，睇下得唔得？

UngooChan

「中國唔可以照搬西方一套」－>「中國唔搬得西方一套」

能願動詞「可以」通常係謂語，而「得」通常係補語，所以可以話意思相近，但唔可以完全代替。

不如先諗諗藍色呢句嘅第一個「可以」點用「得」代替。

 

重有呢句：

「你可以反對我嘅觀點，但唔可以掟蕉」—>「我反對我嘅觀點就得，但掟蕉就唔得」

如果唔變換句式，再加個「就」落去，我都想知有咩其它更好嘅轉換形式。

 

另外，「可以」語氣比「得」婉轉，前面已經有人講過。

 

 

bernard

「得唔得」擺喺句子前邊，就似標題噉係冇問題定係唔合語法

xiss

原帖由 UngooChan 於 2009-8-1 11:31 發表 「中國唔可以照搬西方一套」－>「中國唔搬得西方一套」 能願動詞「可以」通常係謂語，而「得」通常係補語，所以可以話意思相近，但唔可以完全代替。 不如先諗諗藍色呢句嘅第一個「可以」點用「得」代替。   重有呢句： 「 ...

好透徹嘅分析，運用語法去解釋，一目了然

bernard

「得唔得」擺喺句子前邊嚟代替「可唔可以」合唔合語法呢？

芬1012

原帖由 UngooChan 於 2009-7-30 21:06 發表 完全唔用「可以」就得，不過完全用「得」代替「可以」就唔得，要用埋其它輔助嘅句式同詞彙先得。

 

一用咗「可以」「一定」呢啲垃圾詞，好多粵語嘅啲詞、句都會冇咗咖嘞，所以好鬼死憎呢啲外來詞。

 

用呢啲詞嘅嗰啲人純粹就係偷懶、求其、是但、唔諗嘢。

芬1012

原帖由 UngooChan 於 2009-8-1 11:31 發表 「中國唔可以照搬西方一套」－>「中國唔搬得西方一套」能願動詞「可以」通常係謂語，而「得」通常係補語，所以可以話意思相近，但唔可以完全代替。不如先諗諗藍色呢句嘅第一個「可以」點用「得」代替。   重有呢句：「 ...

 

「「可以」語氣比「得」婉轉」——呢兩樣嘢冇得比。

 

粵語嘅助詞、語氣都好多，「得」講得促就硬啲，長啲就婉轉啲，或者加個「嗰啵」、「嗰囉啵」，就重加婉轉啲添。

芬1012

所以可以話意思相近，但唔可以完全代替

 

「可以話」、「可以噉講」係乜嘢意思？講嘅人查實知唔知自己想講乜嘢咖？

 

1、主觀嚟講：我畀（允許）你講。

 

2、客觀嚟講：你係自由嘅，你有權利講。

 

3、你唔會一講嘢就嚨喉痛，所以你講得。

 

4、你係正常人，唔係啞嘅，所以講「倒」。

 

阿老蕭就至鍾意講「可以噉講」咖嘞，佢講「親」呢句嘢我都好想問佢係乜Q嘢意思，係唔係有人唔畀佢「噉講」啊？

外外星人

用可以好「擇使」

neo

原帖由 外外星人 於 2009-12-23 01:28 發表 用可以好「擇使」

咩來咖？

寶寶

原帖由 芬1012 於 2009-8-7 22:56 發表   「「可以」語氣比「得」婉轉」——呢兩樣嘢冇得比。   粵語嘅助詞、語氣都好多，「得」講得促就硬啲，長啲就婉轉啲，或者加個「嗰啵」、「嗰囉啵」，就重加婉轉啲添。 ...

 

原帖由 芬1012 於 2009-8-7 23:28 發表 所以可以話意思相近，但唔可以完全代替   「可以話」、「可以噉講」係乜嘢意思？講嘅人查實知唔知自己想講乜嘢咖？   1、主觀嚟講：我畀（允許）你講。   2、客觀嚟講：你係自由嘅，你有權利講。   3、你唔會一 ...

 

同意呢種講法。