建議本論壇開「宗教信仰」板

xiss · 發表於 2009-7-21 23:39:55

粵協只係一個語言論壇，至今擴展嘅版面已經好多，已經出現咗一啲与語言無關嘅版面，而且，版面太多，資源分散，部分版面過于冷清嘅情况亦都已經出現。
增加版面係一件好慎重好嚴謹嘅事，絕對唔可以僅僅因爲個別人嘅喜好甚至係「一時興起」而草率噉樣增設版面。
「三個和尚冇水飲」，如果宜家增加宗教版面，唔單止會導致該版面資源冷清，重會進一步分薄其它版面嘅資源。
而且，宗教与粵協嘅探討語言嘅成立初衷毫無關聯，增設宗教版，重會領到論壇不倫不類。
更可怕嘅係，宗教呢個話題好敏感，希望粵協清醒認識到，自己係處于邊道嘅監視之下，以免再惹來不必要嘅波折。

總結，本人反對增設「宗教版」！

护粤人士 · 發表於 2009-7-22 09:16:11

原帖由乜哥於 2009-7-16 15:46 發表完全贊同。宗教文化（包括民俗文化）系粵地文化嘅重要組成部分。粵協作為粵人精神家園，應該有宗教信仰板。香港好多論壇都有宗教信仰板。 ...

粵人精神家園，呢個idea幾好。粵人要有凝聚力，神聖嘅信仰必不可少。

护粤人士 · 發表於 2009-7-22 09:40:19

多啲 topics 肯定人氣更高。一向以來粵協人氣最高嘅板都唔系專門討論粵語嘅，譬如以前嘅時事新聞板.....

但亦唔可以話呢啲板同粵語無關，因為喺呢啲板入邊大家系用粵語來討論，多咗運用粵語嘅機會。

如果粵語被局限於學術研究，而少咗 live 嘅應用，咁就離滅亡不遠嘞......

況且，有長遠眼光嘅人唔會僅僅著眼於短期嘅人氣。

從凝聚全球粵人、構建粵人精神家園呢個高度嚟睇，開「宗教信仰板」非常必要。

[ 本帖最後由护粤人士於 2009-7-22 10:03 編輯 ]

xiss · 發表於 2009-7-22 10:18:10

做大做强固然好，但系唔好忘记有句话叫「树大招风」！！

cantonian · 發表於 2009-7-22 11:02:33

見咁多人發表意見，我都來講幾句啦......

我知道有D大陸朋友由於受XXX教育嘅影響，可能會無信仰，甚至敵視宗教信仰；不過，港澳同海外粵人就好多都有宗教信仰，呢一點喺本論壇都睇得出來。

事實上，自古以來，粵地就係有神聖信仰嘅地方。正如呢篇文章所講，粵地系神仙聖賢眷顧之地：

http://bbs.cantonese.asia/viewthread.php?tid=17069

跟著我想講一D肺腑之言，希望唔信嘅朋友都唔好見怪：

粵地、粵人、粵語，今後何去何從？要真正把握呢D大事，就一定要上升到形而上嘅高度。點解好多傑出嘅政治家同科學家，包括華夏文明嘅開創者、歷代好多革命家、美國曆屆總統等等，都有神聖嘅信仰？原因就在於此。

粵地、粵人、粵語，真系好需要神明嘅繼續護佑、好需要更多嘅福德。所以，宗教信仰，對於粵人系必不可少嘅；致力於保護發揚粵文化嘅粵協論壇，亦好需要有宗教信仰板。

外外星人 · 發表於 2009-7-22 20:24:31

原帖由 xiss 於 2009-7-22 10:18 發表做大做强固然好，但系唔好忘记有句话叫「树大招风」！！

船頭慌鬼、船尾慌賊，只會離呢個目標越嚟越遠：

要識得合理利用邊線、底線，先入到波咖嘛！

xiss · 發表於 2009-7-22 23:13:15

既然各位認爲設「宗教信仰」版，噉請問各位認爲我哋論壇目前有邊啲帖係冇佢合適嘅分類，而應該分去「宗教版」嘅呢？？麻煩列出呢啲帖嘅具體鏈接。

重有，我想問上面跟帖嘅咁多人，妳哋又有邊幾位係有宗教信仰嘅呢？妳哋又打算喺宗教信仰版討論啲么嘢呢？

walkman2k · 發表於 2009-7-22 23:37:25

原帖由 xiss 於 2009-7-22 23:13 發表既然各位認爲設「宗教信仰」版，噉請問各位認爲我哋論壇目前有邊啲帖係冇佢合適嘅分類，而應該分去「宗教版」嘅呢？？麻煩列出呢啲帖嘅具體鏈接。重有，我想問上面跟帖嘅咁多人，妳哋又有邊幾位係有宗教信仰嘅呢？妳哋又打算喺宗教 ...

睇1樓，大把 links......

你講咗咁大堆嘢，原來根本就冇睇主貼？？

xiss · 發表於 2009-7-23 01:04:10

原帖由 walkman2k 於 2009-7-22 23:37 發表睇1樓，大把 links...... 你講咗咁大堆嘢，原來根本就冇睇主貼？？

我睇咗，正係我睇完之後，先至更加堅定嚟呢個論壇嘅，至少目前嚟講，冇幾多個有好大「宗教交流」需要，既然你問到，我就詳細分析一樓嘅每張帖，解釋一下：

http://bbs.cantonese.asia/viewthread.php?tid=17069
廣州文化歷史隨筆，与宗教何幹？發去文萃區適合不過了。

http://bbs.cantonese.asia/viewthread.php?tid=8900
粵文探討，取材借用宗教作品，唔代表係交流宗教信仰。就好似聖歌嘅片段都可以借用出嚟咗音樂創作素材。但係唔代表音樂創作就係宗教。（例如Joey嘅《明日恩典》借用聖歌《Amazing Grace》）

http://bbs.cantonese.asia/viewthread.php?tid=8589
梵音，語音交流，取材借用宗教作品，唔代表交流宗教信仰，理由同上。不過我就建議將「拼音」版改組爲「語音交流版」，呢種帖應該發區「語音交流版」嘅。

http://bbs.cantonese.asia/viewthread.php?tid=13097
外語交流，只是使用的範文牽涉到經文，但實質并沒有多少宗教精神嘅交流与討論。外語角足矣應付。

http://bbs.cantonese.asia/viewthread.php?tid=15423
純粹係音樂介紹，只不過介紹嘅範疇同道教有關，但係號明顯係喺道講音樂多過講信仰，裏面就連道教嘅一啲基本教義都冇提及，點樣算「宗教交流」。中學音樂教材都有介紹「佛教音樂」，唔通就話「中學生學宗教」？不過建議將「粵語歌室」升格爲「南粵音樂區」。呢類帖應該發過去「南粵音樂區」。

http://bbs.cantonese.asia/viewthread.php?tid=15876
純粹粵民俗介紹，介紹華光大帝。但係佢連華光大帝所屬何教，象徵么嘢宗教精神都冇介紹，算么嘢宗教帖。計我話，開一個「兩廣民風民俗」版重好過

http://bbs.cantonese.asia/viewthread.php?tid=15700
講北帝誕。但係就唔係重點講北帝喔，而係講北帝誕嘅歷史，習俗（人民嘅活動，當天嘅應節飲食等等），又係屬于民俗範疇，与宗教信仰交流無關。

http://bbs.cantonese.asia/viewthread.php?tid=16321
又係講北帝，但係亦都唔係宣揚宗教教義，而係回顧歷史，同屬民俗範疇

http://bbs.cantonese.asia/viewthread.php?tid=15961
呢張帖係世界文化＋宗教簡介，可以扯上「宗教」嘅關係

綜上，所謂大把，其實只不過係我哋講佢哋歸類錯咗。常犯嘅錯就係，未認識到宗教同文化嘅交融關係，將一啲介紹「源自宗教」嘅文化民俗嘅帖，誤認作宗教帖。（咁多張帖得一張算得上係同宗教信仰交流haai邊）
「源自宗教」嘅民俗唔代表就係宗教，就好似我哋過年會拜神，但係并唔代表我哋有宗教信仰一樣。呢啲都只不過係一種民俗，一種有啲宗教背景嘅民俗。

而且，咁多民俗帖，我哋論壇亦都已經有對應嘅版面喇，就係「文化聚寶」，大家睇睇佢嘅介紹，就知道同風俗民俗有關，所以大家只要認清楚，利用好我哋論壇宜家嘅版面資源，已經足够喇。
[ 本帖最後由 xiss 於 2009-7-23 01:09 編輯 ]

walkman2k · 發表於 2009-7-23 10:05:39

xiss 你真系好過分喔，咁多篇文章明明系同宗教有關，你夾硬話無關，你真系為達目的不擇手段......

照你呢種邏輯，成個論壇都唔使分咁多板啦，全部文章集中曬一個板就得嘞......

walkman2k · 發表於 2009-7-23 10:51:04

而且，1樓同12樓嘅 links 唔止咁少啵，有D畀你特登忽略咗？

护粤人士 · 發表於 2009-7-23 11:03:57

我都估唔到xiss會咁lai橫折曲，睇嚟佢無論如何都要阻止開宗教板，同佢辯論已經冇乜意義。

乜哥 · 發表於 2009-7-23 11:42:31

睇來有D大陸朋友（唔系全部）真系深受CCP教育影響，對宗教信仰非常排斥。

不過，全世界80%嘅人都有宗教信仰，而嗰20%無宗教信仰嘅人喺邊呢？大部分就喺前蘇聯、北韓、中國大陸之類嘅國家。

我哋知道，粵人群體中，海外粵人佔咗好大比例，而海外粵人中唔少都有宗教信仰。

所以，粵協作為全球粵人交流嘅地方，唔應該排斥宗教信仰，否則會不利於粵人群體嘅團結。

[ 本帖最後由乜哥於 2009-7-23 12:03 編輯 ]

daydreaminghoyi · 發表於 2009-7-23 13:52:06

所以我唔贊成淨開"宗教信仰板"

咁樣範圍太窄建議開個"宗教板"大包圍

宗教藝術, 歷史, 音樂, 禮儀, 文學等都可以歸入呢個板

如果以上既野都要按xiss既方法黎分

咁中大開科有別於神學系既宗教研究系咪多舊魚?

講開中大既宗教研究系,

記過中上年公教報講過, 香港教區資助左兩個人讀到宗教研究碩士畢業

當中一個係讀宗教藝術, 一個係宗教歷史

教義, 信條呢d固然係佔左宗教中一個好重要既部分, 但絕對唔係全部囉

同粵有關既宗教研究, 網上真係好缺乏一個地方黎討論

p.s. 無神論人士

無神論雖然唔係宗教, 但已經可以話係一種信仰喇

[ 本帖最後由 daydreaminghoyi 於 2009-7-23 13:53 編輯 ]

xiss · 發表於 2009-7-23 15:28:22

首先，我十分反感30、32楼嘅語氣，我只係喺道發表一下同佢哋唔同嘅意見，佢哋話係同宗教有關，我話無關，佢哋就喺道搞人身攻擊，話我「lai2 橫折曲」，好似佢哋嘅嘢就係真理，反對不得，反對就要搞人身批判，呢啲係討論咩？咁主觀嘅行爲，我加多一條反對開宗教版嘅理由：「部分支持者從主觀出發，唔係企喺客觀層面上提出意見，建「宗教版」冇代表性！！！。」

宜家，你哋想開宗教版，我唔想開，所以無論我哋認爲呢啲帖同宗教是否有關，都冇可能具有普遍客觀性。
既然如此，呢啲帖究竟係喺道講宗教定係講民俗，建議交由第三方——全體粵協成員投票決定。開個面向全體粵協嘅帖，問問呢啲帖究竟係講民俗定係講宗教。

反正單單根據部分人嘅建議以及部分人嘅反對嚟決定一個版嘅「設立」或者「撤銷」都係唔嚴謹嘅，建議以後呢啲版面嘅增撤都開全體投票，交由全體表決。

enlighten · 發表於 2009-7-23 15:42:18

原帖由 daydreaminghoyi 於 2009-7-23 13:52 發表
同粵有關既宗教研究, 網上真係好缺乏一個地方黎討論

講得好啱。其實淨系呢個理由已經足夠嘞。

另外，專門用粵語來交流宗教信仰嘅論壇，好似都未見過嚄~

neogeo · 發表於 2009-7-23 16:15:18

neogeo · 發表於 2009-7-23 16:23:37

原帖由 daydreaminghoyi 於 2009-7-23 13:52 發表所以我唔贊成淨開"宗教信仰板" 咁樣範圍太窄建議開個"宗教板"大包圍宗教藝術, 歷史, 音樂, 禮儀, 文學等都可以歸入呢個板如果以上既野都要按xiss既方法黎分咁中大開科有別於 ...

daydreaminghoyi 兄系高質素香港人嘅代表，就算自己唔信，起碼唔會敵視宗教信仰。

當然，大陸粵人亦有素質好高嘅，比如「外外星人」朋友。其他朋友我就唔知系港澳定海外啦~

xiss · 發表於 2009-7-23 16:48:18

講多無謂，咁想開宗教版，咪請管理員開個全壇投票，先問問呢啲帖佢哋覺得究竟屬于宗教帖定係民俗帖。

xiss · 發表於 2009-7-23 17:05:38

原帖由 neogeo 於 2009-7-23 16:23 發表 daydreaminghoyi 兄系高質素香港人嘅代表，就算自己唔信，起碼唔會敵視宗教信仰。當然，大陸粵人亦有素質好高嘅，比如「外外星人」朋友。其他朋友我就唔知系港澳定海外啦~ ...

冇敵視宗教，不過覺得粵協宜家越搞越冷清，一個重要原因就係，真正探討粵語嘅越嚟越少，過嚟呢邊天馬行空大談種族、政治嘅人越嚟越多，而且思想一個比一個激進，實際嘅研究粵語嘅事就越嚟越少嗟。
粵協宜家嘅境況大家唔係唔知，與其繼續將啲精力浪費喺開版，天馬行空嘅政治、人種討論方面，不如將有限嘅精力放返喺粵語探討上。無謂繼續折騰落去。

		自動登錄	找回密碼
密碼			註冊