何謂嶺南人

canote

能夠稱得上嶺南人，必須由古南越族分裂出黎，所以客家人同潮州人都唔係嶺南人。

cingsan

南越首領冼夫人係咪？

canote

原帖由 cingsan 於 2009-7-5 12:10 發表 南越首領冼夫人係咪？

照道理係呀!我講緊現今o的人，冼夫人唔岩時代，佢算係古南越族，我o地粵人都係嶺南人，我覺得粵語中有好多古南越語成分，雖然我o地係古南越族同漢族o既後裔，但係我o地冇放棄古南越族語言，粵人講緊係粵式漢語，粵人無論血統和語言出自古南越族，絕對係嶺南人。

砖拍后尾枕

住响瘦狗岭南面果啲咪系岭南人咯。

逸定軒

不必急于作出不成熟的定义，无任何意义

砖拍后尾枕

原帖由 逸定軒 於 2009-7-5 17:05 發表 不必急于作出不成熟的定义，无任何意义

好有意义噶，起码可以帮助消化，分泌啲肾上素保持啲火气嘛。

canote

原帖由 砖拍后尾枕 於 2009-7-5 16:37 發表 住响瘦狗岭南面果啲咪系岭南人咯。

呢個係以前講法，時代不斷轉變應該有個定義，照以前嘅來講咁鬼佬算唔算嶺南人?孔子提出正名名不正言不順，我認為嶺南人需要合理嘅理由解釋

canote

我覺得種族係冇意思，遲早56個民族都會變成一個民族，呢個係國家政策。

 

逸定軒

唔系话种族无意思，毕竟世界大同你我都见唔到呢一日，并且无人可以保证呢一日会到来

 

但阁下呢种分法，系历史角度上讲有欠科学性，系民族民系角度又不知所谓

 

如果照阁下呢种区分标准，我想问下、同样吸收左百越文化成分噶闽南人、客家人，甚至直系祖先就系百越种族噶广东广西少数民族，算唔算岭南人？

 

况且，历史上有「南越族」咩？

 

据我所知，百越各有种姓，并唔系一个民族。现今广东、湖南一带噶原住民系「扬越」，交趾系「骆越」，东海沿岸系「闽越」同「瓯越」。到底「南越民族」属于边一范？

 

 

canote

原帖由 逸定軒 於 2009-7-5 20:07 發表 唔系话种族无意思，毕竟世界大同你我都见唔到呢一日，并且无人可以保证呢一日会到来   但阁下呢种分法，系历史角度上讲有欠科学性，系民族民系角度又不知所谓   如果照阁下呢种区分标准，我想问下、同样吸收左百越文 ...

咩無南越族!你自己去維基睇下，你連基本知識都冇呀，對嶺南歷史一知半解，我勸你上多d網認識多d，再黎反駁我，仲有唔好話自己係嶺南人。

逸定軒

维基？

 

我估计呢种非学术性自由编辑百科全书，边个都可以去写，随时可以编辑

 

你有无边本学术文献有定义过「南越族」呢个民族？请出示，我地好好讨论

 

我认为所谓「南越族」只不过系一个泛称，并唔系一个严谨噶民族定义

[ 本帖最後由 逸定軒 於 2009-7-5 20:56 編輯 ]

逸定軒

另外阁下能否回答我呢

 

既然广府人有百越种族血缘，又吸收左百越文化，可以视为岭南人，感同样有呢两个条件噶客家、福佬民系又系唔系岭南人呢？

 

阁下应该知道地理上五岭以南为岭南

canote

原帖由 逸定軒 於 2009-7-5 20:54 發表 维基？   我估计呢种非学术性自由编辑百科全书，边个都可以去写，随时可以编辑   你有无边本学术文献有定义过「南越族」呢个民族？请出示，我地好好讨论   我认为所谓「南越族」只不过系一个泛称，并唔系一个严谨 ...

根據《漢書﹒地理志》自交趾至會稽七、八千裡，百粵雜處，各有種姓。分別稱作於越（楊越）、東越（東甌）、閩越、南越、甌越（西甌）、駱越和滇越，而南越則盤據兩廣，自古以黎嶺南指兩廣。

逸定軒

原帖由 canote 於 2009-7-5 22:01 發表 根據《漢書﹒地理志》自交趾至會稽七、八千裡，百粵雜處，各有種姓。分別稱作於越（楊越）、東越（東甌）、閩越、南越、甌越（西甌）、駱越和滇越，而南越則盤據兩廣，自古以黎嶺南指兩廣。 ...

 

南越是百越中的一支，位于闽越以南，即今广东省境内，其中心为番禺。南越成立于何时呢？《庄子》一书曾提到该国，并说南越的君王名曰建德，但庄子死于公元前275年，而建德却是赵佗的五世孙，至公元111年时方被汉朝消灭，故《庄子》一书关于南越的记载显系伪造的。《礼记》也曾提到南越一名，但因该书系后汉时人所撰，其中一部分是收集以前的载籍而成，而一部分则是伪造的。因而，我们也不能据此就认为南越在周代时即已存在。

当秦军略定南越之时，居住在这一带的越族各支还是一些零散的部落，没有如同东越、闽越那样的国家组织。直到赵佗建立国家时，南越才成为国家的名字。（以上内容引自陶维英的《越南古代史》-秦汉时代的百越）

 

 

 

 

由此，可看出，作为一个国家名，南越最早出现在秦汉时代，此前，并不存在这个名称，无论是民族或者国家形式。你所引的前汉书，是南越国出现之后的编撰物，所以沿袭了同时代的说法，恐怕不能说明「南越民族」存在的真实性。上文也有提及，「当秦军略定南越之时，居住在这一带的越族各支还是一些零散部落」，而已。

 

 

所以，我唔认为，南越民族存在过，南越呢个名就系南方系百越种族噶泛称

[ 本帖最後由 逸定軒 於 2009-7-5 22:33 編輯 ]

canote

原帖由 逸定軒 於 2009-7-5 21:04 發表 另外阁下能否回答我呢   既然广府人有百越种族血缘，又吸收左百越文化，可以视为岭南人，感同样有呢两个条件噶客家、福佬民系又系唔系岭南人呢？   阁下应该知道地理上五岭以南为岭南 ...

嶺南係指五嶼以南地區五嶺指越城嶺、都龐嶺、萌渚嶺、騎田嶺、大庾嶺，閩越唔係嶺南，客家人係江西,福建邊界與周邊民族長期居而成，潮州係閩語一支，福佬民系係漢族同閩越長期雜居結果，佢地形成並非係嶺南本土發生，所以唔算嶺南人。如果照你咁講搬左入嶺南住嘅人就係嶺南人，咁現今有好多鬼佬都搬入左嶺南，佢地算唔算嶺南人?我覺得d客家人,福佬民係肯放棄母語將粵語視為母語，佢地就係嶺南人，我地d同胞會欣然接受。粵人會好歡你地加入。

canote

原帖由 逸定軒 於 2009-7-5 22:29 發表   南越是百越中的一支，位于闽越以南，即今广东省境内，其中心为番禺。南越成立于何时呢？《庄子》一书曾提到该国，并说南越的君王名曰建德，但庄子死于公元前275年，而建德却是赵佗的五世孙，至公元111年时方被汉朝消灭，故《庄 ...

南越一詞係咪存在過並唔重要，最重要係宜家d人大多數認為我地係南越人同漢人嘅後裔，唔信自己上網睇下。

逸定軒

原帖由 canote 於 2009-7-5 23:10 發表 南越一詞係咪存在過並唔重要，最重要係宜家d人大多數認為我地係南越人同漢人嘅後裔，唔信自己上網睇下。

首先，我唔系同你从词汇角度讨论「南越」出现早晚，而系讨论「岭南历史上是否存在一个具有同一文化的南越民族」。你唔好误会先好。

 

恐怕唔系大多数人挂？唔信随便系街上问几个老广州？我觉得绝大多数广府人士恐怕无太在意过自己有无越人血统。

 

广府民系无疑系汉人，其血缘有百越成分，呢个先系学术界普遍接受噶观点。我都接受喔。

 

至于「南越人同汉人后代」，我唔知道你有无其他暗示含义呢？

[ 本帖最後由 逸定軒 於 2009-7-5 23:39 編輯 ]

逸定軒

原帖由 canote 於 2009-7-5 22:49 發表 嶺南係指五嶼以南地區五嶺指越城嶺、都龐嶺、萌渚嶺、騎田嶺、大庾嶺，閩越唔係嶺南，客家人係江西,福建邊界與周邊民族長期居而成，潮州係閩語一支，福佬民系係漢族同閩越長期雜居結果，佢地形成並非係嶺南本土發生，所以唔算嶺 ...

我觉得呢个过程好重要，要详加考察。你一概而论遗留左好多重要问题

 

客家人最终形成地就系岭南，以今日梅州周边扩散噶腹地，就系客家民系最终形成定居噶地方。系唐宋客家噶先民（注意，唔系最终形成噶客家族群）到来梅州之前，当地住民就系以百越种族为主。你所讲闽赣粤边界，其实系各路客家人先民短暂噶停留地，最后各路客家先民进入梅州附近开阔噶地面，先最终获得繁衍定居噶种种稳定条件咋。你话究竟客家人到底有无岭南噶因素呢？我唔知道你识唔识客家话，其实客家话虽然音同广州话差好远，但系好多助词都系一样伽。

 

福佬民系中潮汕、海陆丰次方言噶先民，都系系唐朝大规模先进入粤东。同样，当地之前噶土著系汉人同百越人种，潮汕民系接受过岭南土著噶文化，至今有百越词语残留，所以先会有别于闽南方言腹地噶正宗闽南语。情况类似客家，只不过形成早小小。潮汕话措辞与广州话都有好多「不谋而合」噶相似。

 

你要其他族群噶人放弃母语归化「大粤」，然后先可以获得「同胞身份」，系米多少有D民粹成分呢？我认为，开放兼容先应该系广东人噶胸怀喔

[ 本帖最後由 逸定軒 於 2009-7-6 00:20 編輯 ]

canote

原帖由 逸定軒 於 2009-7-5 23:50 發表 我觉得呢个过程好重要，要详加考察。你一概而论遗留左好多重要问题   客家人最终形成地就系岭南，以今日梅州周边扩散噶腹地，就系客家民系最终形成定居噶地方。系唐宋客家噶先民（注意，唔系最终形成噶客家族群）到来梅州 ...

我係一個粵人，自細講嘅係粵語，當然要為整體粵人利益前途思量，更加要為整體盡忠，做粵人忠臣理所當然嘅事，呂嘉係所有粵人要模仿嘅對像，當今之世中原漢人推普滅方言遲早嘅事實，能夠阻止嗎?唔能夠，唯一請救方法需要統一而強勢嘅嶺南，而唔係各自為政，如果納粹能夠阻止滅種之禍何樂而不為呢?救粵有賴你我一點帛力。

逸定軒

原帖由 canote 於 2009-7-6 00:44 發表

我係一個粵人，自細講嘅係粵語，當然要為整體粵人利益前途思量，更加要為整體盡忠，做粵人忠臣理所當然嘅事，呂嘉係所有粵人要模仿嘅對像，當今之世中原漢人推普滅方言遲早嘅事實，能夠阻止嗎?唔能夠，唯一請救方法需要統一而強勢嘅嶺南，而唔係各自為政，如果納粹能夠阻止滅種之禍何樂而不為呢?救粵有賴你我一點帛力。

 

 

好轰烈啊下，忠臣添。一个现代社会，仲君君臣臣。我睇社会唔需要忠臣，而需要有独立思考能力噶年轻人。思想不成熟，胡思乱想。有人想消灭方言，你就以暴易暴，同呢班人一般见识，可见见识一般

 

有志捍卫母语噶人，尤其要保持清醒头脑，唔好授人以柄

 

呢个问题我唔打算继续引经据典同你讨论，因为我认为你呢个命题一开始就系伪命题

 

[code]

原帖由 canote 於 2009-7-4 21:28 發表 能夠稱得上嶺南人，必須由古南越族分裂出黎，所以客家人同潮州人都唔係嶺南人。

1）根本就无所谓「南越民族」，只有古代噶「南越一带的原住民部族」。无端制造一个子虚乌有噶古代民族，难道就可以否定自己噶历史文化渊源咩？

 

2）根本就无严谨噶「岭南人」身份。呢个感情色彩浓厚噶词语，只应出现系风花雪月（日啖荔枝三百颗不辞长作岭南人，之类）。只要广东人认为自己系岭南人，就系，根本无需刻意撕裂族群去突出一个「岭南人」族群。

 

3）广东系广府、客家、潮汕福佬、其他汉族民系以及当地少数民族噶共同家园，米井底之蛙以为广府佬一统大粤，够姜你去潮汕讲一句呢种说话，睇下有咩后果。

 

自我身份认同主要有三个方面：有该族群血缘、自己认同为该族群一员、生活在该族群的生活方式。一般只要符合其中两个，就已经系一个族类。你如果死都唔信我所转引噶文献或者理论，不妨直接问问你街坊三个中几个、到底自己系「唐人、中国人」定系「百越人」啦。

 

 

 

 

[ 本帖最後由 逸定軒 於 2009-7-6 12:20 編輯 ]