"無"与"冇"

100200

  請問,"冇"嘅原字是否"無"?thanks!

佛山霍先生

否！

Lucciora

原帖由 100200 於 2009-6-26 00:48 發表   請問,"冇"嘅原字是否"無"?thanks!

我唔知點解上邊會講「否」囉

 

「無」字正係「冇」字嘅本字

芬1012

原帖由 Lucciora 於 2009-6-26 01:53 發表 我唔知點解上邊會講「否」囉   「無」字正係「冇」字嘅本字

 

錯。

Lucciora

兩位大俠解答吓好噃，「冇」字本身係廣東嘅自造字，康熙同說文解字根本就搵唔到

100200

  多謝樓上各位嘅回復!但係,點解有尐人話"渠"係"佢"嘅原字呢?

neolite

渠，係佢嘅本字。無，係冇嘅本字。

如果噉都否認，你不如話「淺」同「錢」唔係同一個字。粵語變調好正常。

外外星人

唔好下下搵本字，未有字之前啲人唔講嘢咩？冇≠無；渠=坑渠、屎渠≠佢

芬1012

原帖由 neolite 於 2009-6-28 14:42 發表 渠，係佢嘅本字。無，係冇嘅本字。如果噉都否認，你不如話「淺」同「錢」唔係同一個字。粵語變調好正常。

 

粵語就係粵語、英語就係英語、日語就係日語……我就係我。

芬1012

原帖由 neolite 於 2009-6-28 14:42 發表 渠，係佢嘅本字。無，係冇嘅本字。如果噉都否認，你不如話「淺」同「錢」唔係同一個字。粵語變調好正常。

 

嗰啲將有水有木嘅屎渠、臭坑渠嘅「渠」當成「佢」嘅啲人，真係對某樣嘢盲目到連尊嚴係乜都唔理咖嘞。

izjlee

 

【冇】
 
  mǎo
  〈方〉没有。

 

【无】（無）
 
  mó
  见[南无]（nāmó）。另见wú。
  ◆ 无（無）
  wú
  ①没有（跟『有』相对）：从～到有│～产阶级│有则改之，～则加勉。
  ②不：～论│～须。
  ③不论：事～大小，都有人负责。
  ④同『毋』。另见mó。

 

冇…………呢个字应该系由「有」而被发明的，仲好可能系响运用其中，Ｄ人贪方便，将「有」去两笔变成「冇」，正式的地位和官方认受性，较「無」低好多！

 

neolite

原帖由 外外星人 於 2009-6-28 20:17 發表 唔好下下搵本字，未有字之前啲人唔講嘢咩？冇≠無；渠=坑渠、屎渠≠佢

成日將「音」同「字」分得咁開。未有「冇」之前，越人就唔用「無」？你未識「冇」字之前就唔知道「無」表示「沒有」嘅意思？漢字只不過係助記符，你係都發明個「冇」字無所謂，但係話「冇」≠「無」就顯得比較「背祖忘宗」。都話咗如果你唔鍾意漢字，以後用音標，噉就肯定唔會搞錯你嘅讀音了。

外外星人

冇毛雞嘅本字係咪無毛雞呀？

neolite

有問題咩？我記得你都發過帖「屈頭巷」，你一定要話「屈」只可以讀wat1，噉肯定奇怪啦，但係如果話重有一個讀音gwat6，咩問題都解决晒啦。反觀「屈」兩個讀音咁大區別你都可以接受，「無」變個調就話係另一個字。敢問「冇」有超越「無」嘅意思？已經講咗，文字係助記符，閱讀嘅時候係唔需要每個字都讀出聲音來嘎，睇到個「無」字就知道表示否定就係了，做咩理佢讀音係咩。初學一門外語閱讀嘅時候先需要逐個字讀出來，母語可以「一目十行」。

外外星人

普通話都有沒、無之分，點解我哋連冇、無都懶得分呢？又唔見人哋將「無」產階級講成「沒」產階級？

外外星人

普通話都有沒、無之分，點解我哋連冇、無都懶得分呢？又唔見人哋將「無」產階級講成「沒」產階級？

neolite

你真係好識「鑽牛角尖」，專有名詞有得解嘅咩？你咁講「再見」等唔等于「再睇」、「又見」啊？固定搭配來嘎。我都無話用「冇」就錯，我係指出你如果話「冇」不等于「無」呢個講法係錯嗻。現成喺度嘅唔要，香港嘅造字就信到十足十，何苦呢。

芬1012

世界上有邊種字唔係造出嚟嘅呢，你話我知？

 

點解你哋造得字，我哋就唔造得呢？

neolite

咩你地我地，隻字你造嘅咩？香港月亮特別圓嘎？香港教你咩野都統統照單全收，不假思索，人云亦云。造都要造得有根有據啊，你造個「冇」字出來有咩用先，純粹為咗區分聲調？如果人人都可以自己造一套字，重有咩規範可言，四會話一套字，廣州話一套字（你叫香港話好過，反正你咩都跟香港嘅），江門話一套字。噉秦朝統一度量衡、文字作用何在。人地話「冇」就「冇」，「有」就「有」。你越拉開同漢語嘅關係，粵語死得越快。無漢語支持，粵語有咩根據啊。成日將重點放喺個讀音上面，捨本逐末。

神七咁早

原帖由 neolite 於 2009-7-2 12:53 發表 你越拉開同漢語嘅關係，粵語死得越快。無漢語支持，粵語有咩根據啊。

 

佢哋呢班友仔成日处心积虑咁就系想要将粤语彻底咁脱离汉语