20090619——老竇

包包包包

外外星人

雖然話老竇呢種叫法係容若自己老作，但勝在老竇呢個音啱，無論係唔係老作，寫老竇好過老豆（豆有斗呢個音，好易誤解）。查實，唔單止四邑人叫阿je，廣州人都會講伯je（唔係伯父）；一路都唔覺得老竇係尊稱，我老竇唔鍾意我嗌佢做老竇，只準叫爸爸——噉嘅家教即係講明，老竇實唔會係尊稱囉！

紮那魯剛多

原帖由 外外星人 於 2009-6-21 17:09 發表 雖然話老竇呢種叫法係容若自己老作，但勝在老竇呢個音啱，無論係唔係老作，寫老竇好過老豆（豆有斗呢個音，好易誤解）。查實，唔單止四邑人叫阿je，廣州人都會講伯je（唔係伯父）；一路都唔覺得老竇係尊稱，我老竇唔鍾意我嗌佢做老竇，只準叫爸 ...

我以前都叫開老竇，但係小學嗰時我吖媽突然話叫我唔好叫老竇，唔係就打我，後來打咗幾嘢，我就改口叫爸爸啦，雖然覺得好撈！

Jean

父親節快樂！。。。。

祝天下所有好爸爸節日快樂！

TO我嘅好老竇：節日快樂！辛苦晒~~~唔該晒~~~~

外外星人

原帖由 紮那魯剛多 於 2009-6-21 20:20 發表 我以前都叫開老竇，但係小學嗰時我吖媽突然話叫我唔好叫老竇，唔係就打我，後來打咗幾嘢，我就改口叫爸爸啦，雖然覺得好撈！

證明你有家教囉！老竇係唔啱仔女叫嘅，爸爸冇乜唔妥，法國人都叫爸爸，唔信你問下呢度識得法語嘅人啦！

UngooChan

講「爸爸」唔等於有家教，有好多敗家仔，攤大手板問老竇攞錢都係講「爸爸，畀錢我」。只要你係孝順嘅，叫「老竇」，你老竇都一樣咁開心。

話「老竇」冇家教嘅，可能係本身對粵語自卑，覺得用粵語叫就唔高雅，係要用人哋嘅說話先顯得高雅。

我哋廣府話，就算唔叫老竇，都會叫阿爸，或者跟鬼佬叫「爹啲」。至於要人叫爸爸嗰啲，多數係要個仔自細學mandarin嗰啲家長。

外外星人

爸爸係最原始嘅發音，同高雅、自卑有乜拏掕先？

紮那魯剛多

原帖由 外外星人 於 2009-6-21 20:48 發表 證明你有家教囉！老竇係唔啱仔女叫嘅，爸爸冇乜唔妥，法國人都叫爸爸，唔信你問下呢度識得法語嘅人啦！

老竇唔啱囝囡叫咁啱邊個叫？唔通就因為一個順德口音就話冇家教？撈頭嗰叫粵語做鳥語啦，我哋係唔係唔講先？

外外星人

老竇係咪順德口音嚟大家都係靠估啫！正如容若老作老竇噉：

用老竇一詞當口當面稱呼自己嘅父親大人，的確好少見，好似係以粵語為母語嘅人一種禁忌，至於點解，睇怕都冇得解，睇返同輩、長輩，都冇邊個會噉做嘅，晚輩就多囉，或者而家冇咁多禁忌啩？正所謂，有錢就係大佬，冇錢就係細佬，老竇當二叔都得。

黄百万

在我讀書的年代。稍微有家教都不讓孩子用「老竇」稱呼父親的。