70*80*90后++老豆老母打仔兵器譜

Lucciora

１．雞毛掃——此兵器柔中帶剛，狠勁異常，手握處又有天然雞毛製作的防滑系統，既能吸收打仔過於激烈而滲透出來的手汗，又能作為很好的手部保護作用，防止手磨出泡或者過滑。而且價格便宜，便於收藏，實在是居家旅行，打仔出氣必備武器。  
雞毛掃實可稱為打仔兵器之首！  

２．拖鞋（或同門武器：鞋）——攻擊範圍窄，威力大，反應速度快，聲音效果好，系追唔上嘅情況下仲可以做暗器，而且可以連發。 （百年歷久不衰兵器）

３．皮帶——隨身攜帶，一抽即有。簡直就係必備暗器~~~  

４．教距出外邊串人地——唔洗自己鬱手~~自然有人打~ （鑒於宜家醫藥費貴，最好諗辦法要對方賠償比較實際）

５．衫架——此武器重3兩、長40公分，雖然輕但打得系最痛而且速度快非專業被虐待人士實在難以躲避，系師奶打仔必備架撐！各大商行均有銷售。  （記得留返幾個離浪衫）

６．由中國打仔協會研究中心鑑定的新科研產品「鑊鏟——其真正具備入得廚房出得廳堂多種打仔功能」填補國內外多項空白！ （千祈唔好喺煮緊餸時候發放兵器，飯餸錢唔平）

７．飛搖控器——隨手羅到~~而且飛果陣~電池會跟住飛出!命中率高~~殺傷力高！ ！ （買定一打後備遙控做兵器比較好，原裝無保修）

８．電器——比漏電電器擊中仲有閃電淨化效果，可以減慢個衰仔既逃跑，格擋，同埋還擊速度。  （有電線喞順便綁實佢）

９．開片竹支（70－80公分長，開片長20公分）——攻擊範圍廣，威力大，靈活，而且一舉兩得，系打嘅同時仲有將肉夾起嘅作用，效果只會出現一遍紅腫，唔會有滕條印。  （80后開始絕跡）

１０．牙籤——你個衰仔女...."湊"到你咁大仲咁唔聽話...吉吉降頭仔....吉死你.....
（適用部位——衣衫可以遮掩位置，唔喺人哋以為伱D仔女麻風）

１１．血滴子現代版——「痰罐」連屎帶尿兜口兜面級落去~~！ ！  （基本絕跡喞兵器，但效果既可即時產生，更可以維持一段較長時間）

１２．柴——速度中等，威力大，表面唔光滑，可以當狼牙棒用，不過依家呢種武器已經絕跡。 （70後專用）

１３．痴心情長MI——攻擊範圍細，威力大，效果好，分貝小（無聲），一MI一轉好方便，最岩呢個高效率的時代。  （同牙籤一樣）

１４． 如果實屬情急之時，又無武器在手，這時我建議各位家長修煉「兜巴星」——此招陰險，出招快且狠，通常會以配合口中七十二式鬧仔法增加氣勢和威力。個衰仔準 備博嘴的時候，以出奇不易的角度，氣運單田，從與衰仔塊面夾角45度左右出招掌摑其面部（夾角為180度時，此招PROWER MIX），同時使出左右互搏，增加HITS，並且口中大叫：「搏嘴啊哪，搏嘴啊哪。。。」增加此招的氣勢及華麗程度！ （一定要好好配合口中七十二式鬧仔法效果更佳）
此招只需每日早上叫衰仔起床的時候加以練習，3-5月即有小成，1年內將有大成。訓練方法簡單，出招華麗，而且不花費任何一分錢，其威力足可與72路打仔棍法比美，僅次於十大打仔武器之首——雞毛掃。實在是各大家長必修的首選打仔招數。


轉自：77go

外外星人

你試過幾種？

钟爱华

應該問：妳畀人哋試過幾樣？

猫妖008

睇嚟我爸B妈妈揾返嚟嘅嘢最专业，呢度都冇，就系真正嘅滕条啊。话说广州横沙喺滕厂所在地，噉啱得啱桥，我婆婆乡下就系沙贝岛，以我同我细佬呢啲百厌到所有大人都头赤嘅细路，最终于结果就系‘滕条炆猪肉’，名符其实嗰只

外外星人

我都唔敢出聲，費時被人話OUT， 確實係用藤條最專業！ 我婆婆屋企就真係有條藤條，但冇用過，事關婆婆惜到我燶，當正我係孻仔噉，唔捨得打我。 諗起婆婆，我就想喊，好唔捨得。

使君子

藤条、皮带、筷子 都试过，被皮带抽的感觉真是超痛~~~

eason007

好多種...

好折墮...

加州阳光

哇，我试得多囖。

1）雞毛掃

2）拖鞋   -- 打到的皮一格格。

3）藤条

4）筷子

5）「兜巴星」-- 打到猪头丙0甘。

6）烏蝇拍

7）裁缝用的黑皮竹间尺  -- 痛到入骨。