新人問嘢

GimHaak

竟然發現呢個好地方，可以共同探討粵語發音。

 

馬上就去download咗個粵拼輸入程式，用咗下，有的問題不說不快。

 

聲母J、Y好難用呀，明明Y作聲母咖嘛，點解會用J呢？呢個可以改進下。「於」呢個音可以用yu表示，根本唔使用到J，仲有就係v掣閒置，用唔到，所以可以用v來代表yu。或者用i來取代J都好。

 

其實有個容易兼容舊版本嘅辦法，就係jyu\iu\v\yu兼容，咁就唔使令到舊版本不再適用。

 

另外，有的音我到唔係好肯定，例如 琴日 定係 尋日，到底邊個用嘅人會多的呢？雖然兩個都有人用，但係本字到底係乜呢？聲\兄=sing\hing||seng\heng之類嘅發音係咪唔同地方有唔同？希望高人解答。

xiss

原帖由 GimHaak 於 2009-6-13 15:14 發表 竟然發現呢個好地方，可以共同探討粵語發音。   馬上就去download咗個粵拼輸入程式，用咗下，有的問題不說不快。   聲母J、Y好難用呀，明明Y作聲母咖嘛，點解會用J呢？呢個可以改進下。「於」呢個音可以用yu表示，根本唔 ...

鬼叫JYUTPING係都要噉樣設置咩，咁多套方案係得佢最特別咖嘞，係都要用j唔用y，搞到啲粵語拼音亂鬼曬，又偏偏粵協鍾意JYUTPING，重要將佢定位粵協嘅官方拼音方案，冇計啦，用得粵協嘅嘢，唯有將就下粵協嘅習慣啦。